肉餅哥小炒料理 (已結業)

之前肉饼哥喺荃湾打响名堂嘅时候已经好想去食，但一直未有机会，而家居然嚟到大围开分店，咁我再无藉口唔去试啦！今日就试左 金沙蛋黄肉饼(蒸)+$2配菜饭。肉饼嘅造型设计我觉得都几可以吸引到人嘅食欲，金黄色嘅咸蛋黄令人马上谂到香口，可口； 肉饼蒸得啱啱好，入口仲有一种软滑嘅感觉猪肉够香，再配上捞饭食一流嘅金沙（咸蛋），的确唔错，如果d咸蛋可以再咸d香d就更正喇 另外，我试咗几啖友人点嘅流心芝士肉饼(煎)，我哋两个食完第一啖之后，即时望住对方咦！有惊喜㖞！肉饼煎得好香脆，芝士仍然系软心，真系估唔到中式肉饼同西方嚟嘅芝士都可以咁夹，无遗和感，赞！呢个肉饼餐我加左$2配菜饭，我觉得选择配菜饭系会食得舒服d，始终食咁大块肉，有返d菜落肚平衡下系好事，会更容易食晒个餐，避免做大嘥鬼 （讲真，店家比嘅饭量一d都唔少，甚至乎可以话系偏多 ，我谂呢个份量系相当适合从事劳动工作量大嘅朋友去食，一定够饱肚！）P.S虽然我今次就无试到网上有负评嘅肉饼款式，唔知道系咩味道，但系我自己个人都好佩服老板咁勇敢嘅创意，将一样食材融会贯通，制作成变化万千嘅款式，继续努力吧