大吉居酒屋 (已結業)

今日同男朋友黎左中环探朋友，之后见时间都唔早，系时候食晚饭。男朋友又话我地好耐冇食日本野，所以今日就食大吉居酒屋。去到先知原来呢到装修过，仲由放题转做居酒屋。我地叫左油甘鱼和风沙律（$108）油甘鱼好鲜甜，沙律汁酸酸甜甜好开胃。赤贝+秋刀鱼刺身（$58;$78）两者都好新鲜。未食之前男朋友都忧心过秋刀鱼会好腥，但食落又唔觉腥味！汁烧牛舌（$108）厚切嘅牛舌咬落比较有口感，加上酱汁调味，唔错杂锦天妇罗（$168）系新鲜即叫即炸，而且天妇罗表面干身唔会好油，但入面仲好juicy。鳗鱼忌廉芝士卷物（$138）呢个真系好惊喜，入面半融嘅忌廉芝士好creamy，配埋鳗鱼口感一流！呢到装修完之后坐得舒服左，食物质素都唔错，黎开中环可以食佢！