天仁茗茶 (已結業)

做完保姆见时间尚早（详见另一篇食评 - 三三食不尽……五味俱全），就自己一个去德福广场行下街。以前我曾经有段时间喺德福广场返工，通常食lunch都会去Piago，喺超市买个素食饭又得，去顶层food court食又得～可能因为咁，我不知不觉就行左上Piago。由于刚才先食完五味俱全，我唔肚饿但就有d口痕，于是决定买杯天仁茗茶叹下XD平时我都唔太饮奶茶，通常饮天仁茗茶都会拣913茶王。但可能因为女性生理期嘅关系，我今日突然好想饮奶茶XD我见原来有913茶王奶茶（$20）就决定饮呢个，再加珍珠（+$4），另外发现原来天仁茗茶有茶叶蛋（$6@1；$10@2），出于好奇一试之下亦买左一只！呢杯奶茶喺913茶王调和下，饮落唔会得个甜字，加埋烟烟韧韧嘅珍珠，正！令我更惊喜嘅系茶叶蛋，原来佢系用台湾直送嘅高级阿萨姆茶叶做！！蛋嘅颜色望落好淡，未食之前我仲以为佢未煮够未入味tim XD但入口先发现成只蛋已经入晒味，咬落有极浓茶香，除左咸味之外仲会有回甘甜味！佢嘅好味程度简直抛离平时食到嘅一般茶叶蛋几条街！！！913茶王奶茶固然可以再饮，但佢嘅茶叶蛋更令我食过返寻味！