叁不館

营业中

休息中

叁不馆可以话系香港最有特色嘅火锅店之一，佢呢度所有嘅装修都充满怀旧嘅气氛。仲播住香港嘅怀旧金曲，啱晒黎打卡，同埋一班好朋友想当年～〈今晚卜卜蚬锅〉$198呢个咁趣致嘅名啱晒呢度嘅风格。打边炉之前先饮啖汤，十分清甜嘅蚬味，有芽菜、芹菜煮，唔钟意浸味嘅要避免啦～主角卜卜蚬粒粒都够哂肥美，份量都好多，点少少豉油食个鲜味仲更出！〈顶级安格斯牛颈脊〉$268例牌一份例牌有12至14块，油脂分布平均，肉质够林，系一份十分新鲜嘅牛，不过略嫌唔够牛味。〈新鲜肥鹅肠〉$96店员特别推荐嘅鹅肠，肥就唔系好够啦，应该叫半肥瘦鹅肠。但新鲜度就十分足，煮一煮啱啱熟就好爽脆，处理得好好唔会有肠味，钟意食鹅肠嘅千祈唔好错过！〈手打五宝丸〉$98有哂猪肉、鲮鱼、牛肉、墨鱼同虾丸。全部都好爽滑弹牙，重料打到起晒胶。除咗猪肉丸同墨鱼丸稍微普通。〈炸响铃〉虽然佢系即炸，但系油温唔系好够，导致唔够香脆，口感同包装嘅差唔多。———————————————————————总括而言，呢到嘅食物都高质、新鲜，但系就偏贵，抵唔抵食就见仁见智啦。