影片
更多
2023-09-15
2710 浏览
今次去咗食间都几出名嘅车仔面🍜，以前好似好多人会慕名而来嚟大埔人食，但宜家佢多咗几间分店🎉，就好似少咗人专登嚟。不过我𠮶日一点几到，都有好多人喺出面排紧队。喺出面排紧队嘅时候，就可以拎点餐纸圈定一阵要食咩。睇张纸嘅时候，见到啲好特别嘅𩠌，例如凤爪、咖哩鱿鱼🦑，呢啲喺酒楼先会见到点心🥟，但就喺车仔面档到出现😂，咁我就紧系要试吓啦‼️最后我叫咗 秘制香酱凤爪 + 咖哩鱿鱼 + 秘卤鸡翼尖 配 鲜制油面 + 金牌麻辣汁。🍴三𩠌一面 $45 8/10嗌完先发现，啲𩠌全部喺佢个榜「十大必食推介」入面🤩。一上到嚟𩠌份量都几多吓，鸡翼尖有5只、凤爪有2只、鱿鱼份量如图，系食到最后仲有，仲配咗条菜🥬。油面就同出面食个啲冇乜分别，但唔系间间车仔面铺有得叫🥹。佢个金牌麻辣汁🌶️，几好味、好有层次，唔系香精个啲味，个口系会feel到麻麻地，如果撇开啲辣油咁饮个汤底系甜甜地，清甜嘅感觉，值得一赞嘅系食完唔会颈渴👍🏻。🍴秘制香酱凤爪 6.5/10本身以为写住秘制香酱，味道会有特色啲，但就同平时喺酒楼饮茶食到嘅味冇分别，凤爪唔系特别淋个种嚟。但喺车仔面到食到都几特别吓🤣。🍴咖哩鱿鱼 7.5/10都系平时饮茶食到嘅
喺出面排紧队嘅时候，就可以拎点餐纸圈定一阵要食咩。睇张纸嘅时候，见到啲好特别嘅𩠌，例如凤爪、咖哩鱿鱼🦑，呢啲喺酒楼先会见到点心🥟，但就喺车仔面档到出现😂，咁我就紧系要试吓啦‼️
最后我叫咗 秘制香酱凤爪 + 咖哩鱿鱼 + 秘卤鸡翼尖 配 鲜制油面 + 金牌麻辣汁。
🍴三𩠌一面 $45 8/10
嗌完先发现，啲𩠌全部喺佢个榜「十大必食推介」入面🤩。
一上到嚟𩠌份量都几多吓，鸡翼尖有5只、凤爪有2只、鱿鱼份量如图，系食到最后仲有，仲配咗条菜🥬。
油面就同出面食个啲冇乜分别，但唔系间间车仔面铺有得叫🥹。
佢个金牌麻辣汁🌶️，几好味、好有层次，唔系香精个啲味，个口系会feel到麻麻地，如果撇开啲辣油咁饮个汤底系甜甜地，清甜嘅感觉，值得一赞嘅系食完唔会颈渴👍🏻。
🍴秘制香酱凤爪 6.5/10
本身以为写住秘制香酱，味道会有特色啲，但就同平时喺酒楼饮茶食到嘅味冇分别，凤爪唔系特别淋个种嚟。但喺车仔面到食到都几特别吓🤣。
🍴咖哩鱿鱼 7.5/10
都系平时饮茶食到嘅味，但因为唔系间间酒楼都有得食🥺，所以对于我呢个鱿鱼爱好者嚟讲，喺车仔面档到食到，就已经加咗好多分💯。不过佢啲鱿鱼唔系爽口个款，系偏淋。
🍴秘卤鸡翼尖 3/10
Um…. 唔知点解有阵膻味，同埋好多毛🥴，可能系我唔识欣赏啦，因为我系第一次食斋鸡翼尖呢个𩠌，下次应该叫其他𩠌。
💰 翻兜指数: 8/10
如果我喺大埔谂唔到食咩，应该会食呢间。性价比几高吓，平时食谭仔叫啲好普通嘅两𩠌，都要💲四十几蚊，呢个啲𩠌咁特别、份量又多，三𩠌先$45，如果经过可以一试，但我觉得未到要专程嚟食嘅程度。
张贴
