夏麵館 (寶石大廈) (已結業)

今晚同亲戚晚饭，有人想食上海野，又有人想食川菜，阿姨发板就同我哋嚟咗呢度食。叫咗个招牌水煮鱼，睇个样都好正宗，里面有嘅唔系粉条系类似鸡丝粉皮嘅粉皮，比较软同薄，但都系一样好滑口。酸辣之中唔会好多花椒八角，鱼肉份量适中，质素OK。我本身钟意食鳝又怕多骨，最钟意食韭黄炒鳝丝。虽然𩠌汁多咗啲，但鳝肉新鲜弹牙起骨起得干净同埋份量好多，韭黄亦新鲜冇渣，呢个系最好食。仲有浓汤滑津白、老上海炒面、原味小笼包，每样水准预期之中，卖单竟然只系$400松啲。后尾先至发现原来佢哋有期间限定蟹粉菜式，喺指定平台限时优惠每人都系$200多少少，三五个人晚饭价钱来讲，性价比系几高。