影片
更多
2016-10-20
586 浏览
因一句唔想再系街边打冷,朋友们就上网揾下边度有舒服D既地方食潮州菜,最后揾到新世纪广场有间快有50年历史既潮州酒楼,虽然价钱比较贵,但唔洗风吹雨打下食餐潮菜,都值得既...皮蛋酸姜 ($68):皮蛋蛋白弹牙,蛋黄香味十足,配埋酸姜一齐食,酸姜既酸度唔算太浓,唔会盖过姜味,而且仲可以将皮蛋既独有香味诱发出来.鸡丝水晶粉皮 ( $98):青瓜丝, 鸡丝, 粉皮跟麻酱混合后, 因为酱汁较多既关系,令到每样食材都平均沾上,味道非常浓香,又带点青瓜既清新口味,唔错既一道小食.浄卤水鹅片 ($198):鹅片卤得嫩滑入味,切得厚薄适中,皮下脂肪少,鹅味香浓,卤水汁味道咸甜适中醇厚,而下层既豆腐因沾上卤汁同样非常入味,转眼间就俾我地清晒.杏汁白肺汤 ($168/例):猪肺汤呈奶白色,材料份量十足,入口顺滑清甜,带香浓杏汁味,猪肺煲到软稔而带嚼劲,滋润效果极佳,真系好味又有益.潮阳炸双枣 ($120):圆型系虾枣, 长型系蟹枣,个人比较钟意虾枣,因为较为结实弹牙,而且有鲜虾味, 再点上酱汁, 更加香口美味. 蟹枣肉质比较稔身,较为逊色.寸金绍菜包 ( $240):卖相精致,由绍菜包住虾肉等既材料,绍菜味
皮蛋酸姜 ($68):皮蛋蛋白弹牙,蛋黄香味十足,配埋酸姜一齐食,酸姜既酸度唔算太浓,唔会盖过姜味,而且仲可以将皮蛋既独有香味诱发出来.
鸡丝水晶粉皮 ( $98):青瓜丝, 鸡丝, 粉皮跟麻酱混合后, 因为酱汁较多既关系,令到每样食材都平均沾上,味道非常浓香,又带点青瓜既清新口味,唔错既一道小食.
浄卤水鹅片 ($198):鹅片卤得嫩滑入味,切得厚薄适中,皮下脂肪少,鹅味香浓,卤水汁味道咸甜适中醇厚,而下层既豆腐因沾上卤汁同样非常入味,转眼间就俾我地清晒.
杏汁白肺汤 ($168/例):猪肺汤呈奶白色,材料份量十足,入口顺滑清甜,带香浓杏汁味,猪肺煲到软稔而带嚼劲,滋润效果极佳,真系好味又有益.
潮阳炸双枣 ($120):圆型系虾枣, 长型系蟹枣,个人比较钟意虾枣,因为较为结实弹牙,而且有鲜虾味, 再点上酱汁, 更加香口美味. 蟹枣肉质比较稔身,较为逊色.
寸金绍菜包 ( $240):卖相精致,由绍菜包住虾肉等既材料,绍菜味道清甜,配埋上汤和内馅既鲜味,系一款做得出色既手工菜...
潮州蚝仔肉碎粥 ($148):点会少得每次必点既蚝仔粥,份量十足,蚝仔肥美饱满,粥底鲜甜,加埋配料一齐食,令到成个口感层次更为丰富.
反沙芋 ( $108):食潮菜必点既饭后甜品,外层 沾上糖粉,酥脆既皮包住软熟起粉又有芋头味既香芋,真系无得弹...
张贴
