瀛豐放題料理專門店 (已搬遷) 新店位置

今日约咗三五知己，五点就去咗铜锣湾灜丰食放题，上openrice知道佢哋啲刺身拼盘都好靓㖞同埋款式都好多，又有泰国生虾同埋泰国小炒，当然各式各样日本小食、刺身、寿司等等都一定有，串烧、烧物、天妇罗等等应有尽有。一开始一人一盎炖汤，入面有虫草花、老鸡、瘦肉、干瑶柱同杞子等等材料，讲真个汤真系好鲜甜。跟住我哋叫咗升级版放题，第一时间点咗海胆火焰带子。哗！呢个真系要必食，出面嘅带子又肥大又厚夹住超新鲜嘅海胆，真系必食之选。当然我哋亦点左法国皇家生蚝，只只都好新鲜而且好有海洋味道，我一个人都食咗一打。跟住就系刺身拼盘上场，先讲赤虾刺身，真系大到好过份，而三文鱼腩又系超新鲜好味，鱼油分布平均 ，其他刺身有象拔蚌、希灵鱼、螺片、鲍片、油甘鱼、赤贝、北寄贝真系每一样都好新鲜，另外饮品亦都好多选择，亦都有啤酒畀人饮，而甜品亦都有不同款式，有韩国雪糕雪条任君选择添！总括食物质素， 致上系平均水准之上，而服务亦都非常到位，会不停有人帮你攞走食完嘢嘅碟，你点嘅食物都上齐畀你，而且每位员工都好有礼貌。抵赞！