香港仔茶餐廳 (已結業)

约左一大班朋友食饭， 有些住港岛， 有些住九龙， 最后选址香港区。见到这间餐厅，唔好被“茶餐厅”3 个 呃到以为得茶餐。 原来晚市仲提供潮州野食。首先第一样系”卤水红肠拼墨鱼“  ， 红肠有浓浓的卤水味但唔会太咸， 墨鱼亦有淡淡的墨鱼鲜味。再来就系卤水鹅片， 鹅片绝对要推介之选， 完全无多余脂肪，淡淡肉。韭菜猪红系潮州打冷舖的头盘之一，  配上餐厅提供嘅潮州辣椒酱真系回味无穷。再来就系卤水生肠大肠， 生肠大肠无任何怪味。 多余脂肪都去掉。卤水生肠爽口， 大肠就淋淋的又入味。豉椒炒蚬最怕就系多沙， 今次食落完全系走沙， 辣度同豉椒个比例刚刚好，唔会太咸太辣。最后试过咁多样野食， 好似都唔系好够饱， 可能无米饭入肚， 最后点左个公司三文治， 里面有比较少见嘅咸牛肉， 闻落都好香， 加上新鲜的蔬菜， 同真脆口嘅 “ 汉底” 嘅面包， 都算系一个完美的终结。