香港仔茶餐廳 (已結業)

通常早餐都會去連鎖餐廳食，但有時同事們又嫌人多又貴份量又少，今日就去咗傳統茶餐廳試。我叫咗早餐D，係金牌豬軟骨米線配火對煎蛋牛油方包，飲熱檸茶。份量真係多好多，豬軟骨同米線都好淋，好啱箍牙妹食，淨係食呢個米線已經夠曬飽，係平時午餐嘅份量，不過我就對個醬汁一般。牛油方包又熱又軟，相比某啲連鎖餐廳真係正好多，因為好多時個包都係又凍又硬嘅。雖然每個餐都set好食乜嘢，但係問多聲應該係可以改嘅，我聽到隔離枱食公仔麵轉米線咁，煎蛋又變炒蛋，其實同連鎖餐廳自選差不多。

我諗係我唔好彩, 鬼揞眼, 盲舂舂, 入咗呢一間我平時都唔會幫襯嘅餐廳。又更加加唔好彩咁樣, 點咗一樣不知所謂嘅食物。實情係, 我入咗嚟好耐, 睇餐牌睇極都搵唔到一樣自己想食嘅嘢。唔係價錢貴, 就係啲組合太古怪。結果我點咗呢個下午茶餐嘅 <肉燥撈公仔麵>。 開肉臊味道好唔台灣口味, 係似一個上海口味、濃味嘅肉醬, 好濕下, 都幾鹹。 撈在一個仲有少少水(注意: 不是湯, 是水)嘅公仔麵上面。感覺好核突。當麵質又唔好, 淋得好快, 又唔係出前一丁(收咁貴都係普通麵)。 越食越後悔。 唔該唔識做台灣肉燥, 又唔識做撈公仔麵, 就咪做啦。<熱奶茶> 過得去。

今天去吃早餐，服務態度超級差。忘記我的飲料還超級兇。下次再也不會去了。食物超級難吃，點的牛腩麵牛肉完全咬不動，80%都是肥肉，而且味道比起別家也超難吃。灣仔別家隨便找都比這個好吃！🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮

今日同朋友經過灣仔突然想食茶記見到呢間就入咗去咦 有驚喜喎！原來有潮洲菜食！咁就試吓啦！叫咗鹵水鵝片、鹵水豬耳同埋炸九肚魚。都唔錯喎，鹵水鵝片同豬耳嘅鹵水味夠濃味，啱哂重口味嘅小天后同朋友。九肚魚最好食 炸粉厚度啱啱好 味道亦好好充滿椒鹽味😀食完一舊飲一啖可樂正☝🏻雖然只係一間茶記 但待應態度都幾唔錯㗎有求必應 老闆娘仲要笑容滿面叫嘢食嘅時候仲會用心介紹環境方面唔係坐得舒服但勝在好自在大大聲同朋友講好爽啊😆

今個星期六,一大班同學好耐冇見過啦, 多數人都喺港島返工,所以就約埋喺修頓球場隔離嗰間, 香港仔茶餐廳食晚飯呀呢間餐廳嘅滷水鵝腸同埋大腸都洗得好乾淨， 配上滷水汁 ，就幾好味 。墨魚片配紅腸 ， 墨魚同紅腸 都切得好薄 ，好入味好好食 我哋要咗紅豆冰，柑桔蜜。 紅豆冰裏面嘅紅豆好淋，紅豆好大顆。柑桔蜜就是普通在超市裡面買到的柑桔蜜加水。豬紅好好食，有鹵水汁拌。另外，炸魷魚酥 同 炸九肚魚，外脆內嫩，值得嘗試。

正如題目所講，打冷並唔係男人嘅專利，一班女仔或者女多男少都可以去打冷。 食物係冇男女之分嘅。打冷既話韭菜豬紅一定必食， 呢間有出乎意料地入味，豬紅好滑，韮菜冇渣。貪心嘅可以食鹵水拼盤，乜都有齊曬。唔夠再可以叫多碟紅腸魷魚， 紅腸入味，魷魚爽口。菠蘿冰入面有大大粒菠蘿， 絕對不計成本價， 抵飲。豉椒炒蜆嗰水大碟， 八個人食都唔會唔夠食。椒鹽九肚魚真心要推介俾大家， 炸到好鬆化，連骨都可以食埋。連揚州炒飯都咁用心， 用足料夠火候，火腿蝦仁叉燒大大粒， 原生菜都唔吝嗇畀你。

經常在灣仔做野， 原來喺譚臣道有間香港仔茶餐廳, 佢嘅晚飯呢就有打冷, 小炒同埋滷水㗎, 上個星期六我哋成班人就去咗嗰度食打冷嘅潮州嘢喇 .我哋呢晚食咗潮式韭菜豬紅， 腩肉拼鵝腸, 潮式滷水鵝片拼盤，鹽焗烏頭魚， 椒鹽魷魚九肚魚， 豉椒炒蜆， 鹵水豬耳， 另外我們要多咗個揚州炒飯， 馬拉星洲炒河。我最欣賞嘅就係佢嘅韭菜豬紅呀，個汁做得好好味，啲豬紅索曬 啲汁， 吃到停不下來。豉椒炒蜆雖然細細碟, 但的蜆好新鮮， 好餸飯。

同成班同事係會展完成個展覽，收工成班餓鬼要搵食，有人提議食打冷兼帶路，初初仲以為佢行錯路，因為呢間叫”香港仔茶餐廳”, 原來內有乾坤😏 佢d潮州菜式完全可以媲美正式潮州打冷店呀~ 招牌滷水鵝片–  正 ！滷水夠入味！啖啖肉~ 一人一塊1分鐘無晒😋潮州滷水鵝拼盤 – 淨食鵝片點會夠喉, 當然叫埋拼盤先係皇道！ 呢個拼盤堅足料ga！有鵝件、生腸、墨魚、豬大腸、紅腸、芽菜底都多過人👍🏻件件都好入味！紅腸墨魚 – 小朋友孖寶！ 淋左熟油醬汁，墨魚夠晒爽口原味牛腩 – 牛腩煮得好焾好入味, d醬汁好味到可以撈3碗飯呀！潮式凍烏頭 - 一向好怕食淡水魚、蒸魚... 因為好怕腥，夾左小小試食，竟然一d都唔腥啊！證明條魚本身夠新鮮呀！👍🏻👍🏻滷水豬耳仔 – 好爽脆呀！送酒一流呀！潮州韭菜豬紅 – 食豬紅ge朋友就話好味，哈哈，我就唔啱la豉椒炒蜆 – 炒得香，可惜蜆肉唔夠鮮味椒鹽九肚魚拼鮮魷 – 炸得啱啱好，粉漿唔會過厚，做到酥脆口感，本人偏愛鮮魷，成碟會更好🤣豬軟骨米線 – 米線夠滑，又唔會煮得過焾，豬軟骨也算入味星洲炒河 – 惹味夠鑊氣真係估唔到呢度禾桿冚珍珠，好有驚喜呀！ 

剛從外地回來,突然好掛住香港D地道食品, 特別係好想打冷, 咁岩約開一班朋友係灣仔飲野, 飲完野行左落譚臣道,見到呢間”香港仔茶餐廳”, 叫得自己”香港仔”, 都一定好地道吧! 原來這間是專門吃小炒,打冷同滷水野, 我們點了以下食物,本來都好擔心唔知好唔好味, 因為都見有d評語麻麻, 又估唔到每樣都唔錯, 很好味, 而且價錢也很合理. 可以勾起好多以前細個同屋企人一齊打冷既童年回憶!!!1. 潮州滷水鵝拼盤 – 好鍾意呀! 因為真係好好味,好地道! 基本上一上碟大家吃了一片, 就即刻好快被搶晒勒! 哈!!2. 招牌滷水鵝片 – 試左滷水鵝, 點可以唔叫滷水鵝片, 既然咁想食滷水野, 緊係要叫多D. 呢碟都好好味3. 紅腸八爪魚 – 好味呀, 我好鍾意佢D紅腸呀, 而八爪魚值情有童年回憶.4. 味王沙嗲牛腩 – D牛腩好林, 而且好入味, 食得出用左好多時間去製作5. 烏頭魚 – 本身唔係太食魚, 試左都覺得唔錯, 也不腥6.  潮州韭菜豬紅 – 呢碟我本身唔食豬紅, 我朋友話好味7.  靚豬軟骨米線 – D豬骨好林, 食完一舊想再食多一舊, 已比朋友搶晒!8.  豬耳仔 – 好爽好惹味

一班人無乜idea就去左打冷～我最鐘意食滷水拼盤架喇😛最緊要多汁爽口 但我覺得好似唔係好夠凍😂第一次食凍既烏頭 加埋d酸甜汁就好好味豬紅炒芥蘭 我本人唔係點食豬紅但我d fd就食得好滋味😂終於到我既大愛 好惹味既炒蜆😍😍😍😍D汁好岩送飯呀😋😋😋😋😋😋😋炸魷魚又係我favourite 最怕食炸野得d粉 呢個唔會～仲有杯紅豆冰無影到相老闆娘話親自揀過d特別軟身既紅豆食落口感軟綿綿唔似平時茶記個d咁生咁硬 值得讚😋呢餐飯大家都食得好飽好滿足❤️❤️

好耐都冇食個打冷啦, 今日趁人多, 朋友帶咗我地去灣仔打冷。餐廳係傳統茶記格局, 價錢算大眾化, 我地有成六個人, 所以叫咗好多嘢食。先黎潮式烏頭, 係凍食嘅一道菜, 魚食落鮮甜, 配埋酸汁食一流。 之後係鹵水拼盤, 眼見都起碼有六七樣嘢, 墨魚, 紅腸, 大腸, 鵝片等等, 老板仲教我地點少少辣汁食會更加野味, 一個字正!由於在坐好多人鍾意食鵝片, 所以我地另外亦叫左一碟剩鵝片, 啖啖肉之餘, 鹵水醃得啱啱好, 唔會話太鹹果隻, 唔夠幾分鐘就俾我地班食貨KO左。再黎有牛腩同韭菜豬紅, 兩樣嘢都係大大份, 啱哂幾個人分, 牛腩食落口感同味道都very good, 屬水準之作。 韭菜豬紅同樣出色, 難得韭菜唔老, 所以我地中間再加多左碟剩韭菜開心share。至於送啤酒嘅小食, 當然唔少得椒鹽魷魚啦, 今次叫左個椒鹽魷魚同九肚魚雙拼, 同樣大大份, 兩樣嘢都炸到金黃甘香。食到依度, 其實都飽左大半, 不過冇飯同冇麵不歡嘅朋友, 亦自動波咁叫左個揚洲炒飯同星洲炒河, 兩碟小炒都鑊氣十足, 不過可能真係叫得太多嘢, 所以最後都食唔曬, 個個都捧住個肚走人, 所以下次再嚟要再節制下啦。

約左班friends 食飯，大家落灣仔修頓附近，有間地道打冷正野，就係香港仔茶餐廳，小菜夠晒大排檔風味，功夫潮州打冷，亦勝在可以開懷大聲講大聲笑。我一坐定就要嚟杯紅豆冰，事關係全香港最好飲嘅，紅豆軟棉棉，近乎紅豆蓉姿態被香濃奶味裝入得天衣無縫。朋友好醒叫定條凍烏頭，同鹵水鵝拼盤條烏頭全條用鹽巴烤，魚肉又香又咸咸地配埋醬汁，好味鹵水鵝肉大大塊，皮下脂肪剛好，一點唔油，鵝肉仲女鬆軟入口。超爽脆美味潮州鹵味拼盤，有大墨魚🦑、紅腸仲有甜酸菜係底。鹵味太好味，再來鹵豬耳、鹵腩肉拼鵝腸，豬耳爽脆大塊，食到無停口。大大塊腩肉肥瘦分明，再蘸秘製白酸醋，味道一流。一級香口推介，椒鹽魷魚拼椒鹽白飯魚，爽脆唔油膩，唔咸夠香，魷魚夠煙勒、白飯魚鬆軟。豉椒炒蜆，啲蜆肉大大隻又夠大碟個汁一級好味。配上老火無味精冬瓜豬骨湯，地道美味。

上星期下午有朋友仔有好介紹所以約咗幾個老友去咗灣仔譚臣道嘅地鋪"香港仔茶餐廳"去食下啲撚手小菜！聽聞呢間舖頭嘅招牌係老字號, 原創系佐敦舖頭之後就搬咗嚟灣仔呢邊... 一望個餐牌就見到有好多特色嘢食！睇到都流晒口水, 我哋等齊人正值係晚餐時間, 個個肚仔餓, 見到事頭婆當然要問一問佢有乜好介紹啦！佢話佢間店最出名係滷水打冷嘢... 有墨魚紅腸, 滷水鵝片, 豬紅韭菜, 當然仲有其他好味嘅嘢食啦。。。除咗頭先老闆娘介紹嘅嘢之外, 呢度啲酥炸鮮魷零舍不同, 外脆內滑好彈牙同好有好感, 同埋佢啲牛筋腩炆得好淋, 一咬落去啲汁彈曬出嚟！另外一個豬腸同生腸加埋芽菜盤真係好爽好彈牙, 週末夜晚要食飯, 但係又想試下呢個雞軟骨米粉, 老闆娘話呢個日頭都好好賣, 仲有一味餸係我至愛就係豉椒炒蜆, 真係有曬大排檔嘅風味炒得好香👍 至於蔬菜方面叫咗一個椒絲腐乳通菜啲菜好新鮮好嫩好爽口, 得一題就係小炒王, 最鍾意食腰果同埋九菜嘅我真係冇得彈😍, 因為我好班朋友好好胃口得滯仲叫埋公司三文治！有嘢食必定有嘢飲啦！我哋都叫咗紅豆冰同埋菠蘿冰, d紅豆粒粒好大粒而菠蘿冰, 大半杯都係菠蘿真係同其他餐室嘅菠蘿冰零舍

其實地點非常就腳，經常也路過附近，只是沒轉入這橫街。雖然叫茶餐廳，但有小菜打冷！今次試了：招牌滷水鵝片滷水拼盤紅腸拼墨魚原汁牛腩椒鹽鮮魷小炒王豉油王鵝腸韮菜豬紅菠蘿冰菊花蜜紅豆冰滷水果然是招牌菜，全都好入味，真材實料，分量足，新鮮又多選擇！色香味俱全！連飲品也有驚喜！少有的菠蘿冰非常足料！果汁比例高！還有很多的菠蘿肉！果味濃醇！好有口感！清爽健康的選擇！整體上菜快，環境闊落。絕對係美味、舒適、又快捷的晚餐！

約左一大班朋友食飯， 有些住港島， 有些住九龍， 最後選址香港區。見到這間餐廳，唔好被“茶餐廳”3 個 呃到以為得茶餐。 原來晚市仲提供潮州野食。首先第一樣係”滷水紅腸拼墨魚“  ， 紅腸有濃濃的滷水味但唔會太鹹， 墨魚亦有淡淡的墨魚鮮味。再來就係鹵水鵝片， 鵝片絕對要推介之選， 完全無多餘脂肪，淡淡肉。韭菜豬紅係潮州打冷舖的頭盤之一，  配上餐廳提供嘅潮州辣椒醬真係回味無窮。再來就係滷水生腸大腸， 生腸大腸無任何怪味。 多餘脂肪都去掉。滷水生腸爽口， 大腸就淋淋的又入味。豉椒炒蜆最怕就係多沙， 今次食落完全係走沙， 辣度同豉椒個比例剛剛好，唔會太鹹太辣。最後試過咁多樣野食， 好似都唔係好夠飽， 可能無米飯入肚， 最後點左個公司三文治， 裡面有比較少見嘅鹹牛肉， 聞落都好香， 加上新鮮的蔬菜， 同真脆口嘅 “ 漢底” 嘅麵包， 都算係一個完美的終結。