Mo Mo Kushiage (已結業)

揾到一个地方同自己兄弟食一餐饭，最好不过！朋友介绍，知道食物同酒水都唔错，一于同朋友黎呢度聚会。餐牌都有好多唔同嘅嘢食，例如寿司饭，刺身，串烧，熟食，炸物，甜品。当然唔少得，就系有不同种类嘅烧酒同sake. 介绍一下食物先，自己最钟意就系蟹膏配多士，蟹膏啲味好浓，配多士一流！仲有其他例如烧鸡翼，烧鸡肉串，天妇罗虾，冷乌冬，都好好食！我要强烈推介，就系烧黄牛，一摆入口就溶化，然后再饮sake! 我哋开心时段，仲有买一送一添！如果食炸物，就一定要点佢哋自己整嘅红酒汁，下次会试埋其他，例如炸牛，炸鹌鹑蛋等等。种类都有好多，同出边𠮶啲日本餐厅唔同！下次有佬聚，一定会再嚟试其他！