煮宮

营业中

休息中

好朋友生日，想为佢安排一餐特别嘅私房菜，于是就拣咗煮宫，由于佢哋预先安排我哋拣咗每一道私房菜，所以我哋好快就有得食，真系好窝心🥰首先前菜系糖醋青瓜云耳，食落口有少少麻辣，云耳完全入晒味，餐前食令人非常开胃！怀旧虾多士：虾多士炸到外脆内软，连个虾头都炸到脆卜卜架😋青橄榄陈皮炖猪肺：炖汤足料，每一羮都充满淡淡陈皮香气，饮完之后喉咙好舒服😋XO酱萝卜糕煮蟹：原来萝卜糕配肉蟹个味道系非常之夹嘅，因为肉蟹新鲜，萝卜糕吸收咗蟹肉嘅鲜味，非常好味😋鲍汁花胶炖花尾趸：大大只花胶炆得好林，花尾趸索晒浓浓嘅鲍汁，非常入味😋干坤鲜茄：大大个蕃茄，原来内里有干坤，切开之后系藏住啲菇菌，呢度菜式非常健康😋瓦𦉘罉豉油鸡：大家一齐分享半只豉油鸡，肉质非常嫩滑，豉油味道调校到啱啱好，放入瓦𦉘可以保持温度😋霹雳泡饭：呢个霹雳炮饭真系不得了，个浓汤非常鲜甜，将炒过嘅饭粒倒入汤里面，「炸」一声，完全制造声音效果，朋友赞不绝口，每一羮都非常好食😋枣皇炖桃胶：呢个甜品非常滋阴养颜，对女士们最正😋大家非常满意我今次嘅选择，个个食到捧住个肚出门口，非常大大满足😜喺呢度祝各位好朋友身体健康，事事如意😘😘