米奇廚師餐廳 (已結業)

自从多咗粒豆丁，拣餐厅第一要求系坐得舒服，所以𠮶啲街边小店完全唔会考虑，选择真系少咗好多。今次拣咗呢间米奇老尾餐厅，都系谂住坐得舒适，又有得泊车。不过，系上一次另外一间酒店食过自助餐，都怕怕地佢嘅水准。满肚疑惑之下，食咗一个午餐。星期六嘅中午，人实在系少，所以坐得非常之舒适，服务员同客嘅比例十分之高，呢个一赞。食物种类都算多，标准嘅刺身，已经唔需要担心，仲有蟹钳蟹脚，呢样野我最钟意。其他热食，款式都几多，味道又唔错。甜品其实都几吸引，款式亦都多，仲有个软雪糕自制甜筒，可以玩下，啱啲年轻人啰。服务员表现亲切，轮住嚟同我个豆丁玩，个豆丁又唔系好怕人，笑口细细。其实最紧要佢开心，做老豆有乜所谓。买单633，算系咁啦。外边尖沙咀啲酒店，应该仲贵。都系果句，笑住咁走，我已经冇要求啦。