嫲嫲雲吞雞 (崇齡大廈) (已結業)

难得今晚可以有三人行一齐食饭 咁就可以叫多少少𩠌啦今次系第二次嚟呢间餐厅上一次只有我同妈妈所以试唔到好多样今次嚟到系平日嘅晚上7:30唔需要排队 店内唔算太多人坐低就送上三杯水 我哋今次就叫多少少1） 水煮鱼 半份2） 回锅肉 半份3）椒盐肉排 全份4）椒盐鱼块 半份5）糖醋鱼块 半份6）青瓜皮蛋 半份7） 老干妈炒饭8）青岛啤酒9）酸辣汤水煮鱼有少少失望 价钱唔算平 辣味唔算多 鱼大约10块 有少少芽菜同土豆粉喺下面做底但系味道同价钱唔成比例。所以下次应该唔会再叫回锅肉味道够配菜多 每次都会叫椒盐肉排 我自己觉得味道一般 因为佢只系炸猪扒 放啲干蒜蓉上去 但系妈妈同男朋友都钟意食椒盐鱼块都系同样地炸过条鱼再放啲干蒜蓉上去 糖醋鱼块就变咗咕噜鱼最好味都系个老干妈炒饭最后一共$410 晚餐价钱三人行算唔错仲有呢度系唔收服务费㗎所以唔使加一但系餐厅嘅厕所经过嘅时候会大约见到厨房卫生程度 我个人就觉得麻麻地 因为佢食物同厨房嘅位置太近 但系相信香港大部份餐厅你见唔到嘅地方都系咁做冇办法啦鬼叫香港细咩