小南國 (已結業)

第二次食小南国，第一次系系Megabox食，觉得唔好食，之后就无再去过！今次系因为阿哥叫食一年一度团年饭，佢拣既，所以无say no！3个人，叫左10样野，当然有好食有唔好食！好食既有～1.秋葵木耳（个汁好味）～2.生煎包（个底够浓好香口）～3.鸡丝粉皮（个人中意食麻酱）～中间位置既有～4.冷盘豆腐（唔记得叫咩名，个汁同豆腐都系无咩味）～唔好食既有～5.小笼包，6.蟹粉小笼包（唔知点解肉汁有阵“稣”味，似系唔新鲜）～7.担担面（完全无花生酱，似麻辣面多啲）～8.黑松露炒饭（啲饭炒到一旧旧，同埋硬心饭）～9.桂花蜜拉糕（胶胶地，味假）～10.酒酿丸子（先唔讲有条鱼骨系入面，好酸）P.S. 发现鱼骨都无call店员系因为朋友捞清楚无其他异物话算数我想call的！另外，book左8点台，7：45分到，通知完都要等到8：15先有台，仲要入左去最入个间房，当然系叫天不应，叫地不闻啦如果再有朋友提去小南国，我一定会say no!