影片
更多
2018-10-08
176 浏览
今日晚上同朋友系新蒲岗附近嘅工业大厦上yoga，上之前当然系医肚嘅时候呀。附近其实都有唔少餐厅，咁岩朋友家乡系上海，我就大胆问一句，不如试下上海菜啦。朋友一口答应，于是我地就黎到呢间 三分俗气 食啦。入面地方都好阔落，主要都系卡位为主，可以有自己空间，倾计都方便d呀。餐牌菜式都好多，传统上海菜应有尽有，亦有2、4、6人餐。朋友因为对烤麸情有独钟，所以我地决定散叫。我地都叫左几个𩠌，包括蟹粉小笼包($60)、四喜烤麸($45)、自家制樟茶鸭 - 例牌($65)、虾仁两面黄($75)、雪山高力豆沙($38)。蟹粉小笼包($60) 卖相几好，一咬落去d汤汁漏出黎，带住浓郁嘅蟹鲜味。蟹粉比例都算高，够重味，而且皮薄得黎又唔会一夹高烂，几好呀！四喜烤麸($45)系朋友至爱，话每次食上海菜必食咁话。呢度四喜烤麸带有毛豆、冬菇同云耳。烤麸质感比较烟韧，并非一般食到个种松软无口感嘅烤麸，而且非常入味，味浓带香醋嘅酸，非常开胃。云耳亦整得软淋入味，唔需要额外点汁已经够味。自家制樟茶鸭 - 例牌($65) 就真系几出色，带有阵阵樟木同茶香之余，表面再经油炸过，食落表皮非常香口，肉质却入味而嫩滑。配搭淡味嘅
今日晚上同朋友系新蒲岗附近嘅工业大厦上yoga，上之前当然系医肚嘅时候呀。附近其实都有唔少餐厅，咁岩朋友家乡系上海，我就大胆问一句，不如试下上海菜啦。朋友一口答应，于是我地就黎到呢间 三分俗气 食啦。
入面地方都好阔落，主要都系卡位为主，可以有自己空间，倾计都方便d呀。餐牌菜式都好多，传统上海菜应有尽有，亦有2、4、6人餐。朋友因为对烤麸情有独钟，所以我地决定散叫。
我地都叫左几个𩠌，包括蟹粉小笼包($60)、四喜烤麸($45)、自家制樟茶鸭 - 例牌($65)、虾仁两面黄($75)、雪山高力豆沙($38)。
蟹粉小笼包
$60
22 浏览
0 赞好
0 留言
蟹粉小笼包($60) 卖相几好，一咬落去d汤汁漏出黎，带住浓郁嘅蟹鲜味。蟹粉比例都算高，够重味，而且皮薄得黎又唔会一夹高烂，几好呀！
四喜烤麸
$45
13 浏览
0 赞好
0 留言
四喜烤麸($45)系朋友至爱，话每次食上海菜必食咁话。呢度四喜烤麸带有毛豆、冬菇同云耳。烤麸质感比较烟韧，并非一般食到个种松软无口感嘅烤麸，而且非常入味，味浓带香醋嘅酸，非常开胃。云耳亦整得软淋入味，唔需要额外点汁已经够味。
自家制樟茶鸭 - 例牌
$65
17 浏览
0 赞好
0 留言
自家制樟茶鸭 - 例牌($65) 就真系几出色，带有阵阵樟木同茶香之余，表面再经油炸过，食落表皮非常香口，肉质却入味而嫩滑。配搭淡味嘅蝴蝶包一同食用，一咸一啖，恰到好处。
虾仁两面黄
$75
22 浏览
0 赞好
0 留言
虾仁两面黄($75) 非常足料，虾仁同芽菜铺满成碟面，虾仁弹牙但略微淡味，捞返个汁食就比较好。两面黄最有趣嘅地方就系软硬兼施！一半面沾上汁，一半面要脆口，咁食先至有口感。呢度两面黄炸得比较挻身，所以个面虽然满汁，但里面面芯仲系脆口，处理得好好，抵赞！
雪山高力豆沙
$38
26 浏览
0 赞好
0 留言
雪山高力豆沙($38)会系必食之选，即叫即炸，面头铺满糖霜，食落软绵绵，但完全无油感，证明炸时温度够热，无吸返d油入去。而入口红豆馅亦好足料，好好味，差d encore！
非常不俗嘅三分俗气，味道好之余，价钱亦实惠嘅上海菜，相信我同朋友上yoga 堂前应该会再黎食。
张贴
