三原 (已搬遷) 新店位置

烦紧情人节食乜野？俾个唔错嘅提议你，系各大餐厅劲多宣传而价钱都好aggressive嘅时刻，呢个主力系俾大家食情人节庆祝晚饭嘅套餐就相宜得来好有水准，系将军澳三原铁板烧就有呢个三原x MIYAGI STYLES <三原・宫城县噌味菜单>暂时呢个TASTING MENU会个几日推出，不过应该之后都会再继续，因为一定受欢迎，而最紧要通常情人节千几蚊都无乜好野食，呢到$1450一位食尽宫城县嘅美食之余，仲要系样样靓料。带子仙台薄切刺身白子蒸蛋配三文鱼籽香煎仙台大蚬澳洲龙虾配蛋黄酱银鳕鱼配柚子味噌汁三陆产黑鲍鱼配海胆汁A5 仙台和牛肉眼厚烧鳗鱼茶渍饭抹茶奶冻配日本番薯蓉成个餐连甜品九样野，样样都别出心裁，唔系靓料咁简单，全部都用过心机去处理，除左可以欣赏师傅嘅手艺外，仲可以睇到佢点样将铁板烧艺术融入美食入面。全晚有几个菜式都好钟意，鳗鱼茶渍饭系首选，你应该无食个呢个形式嘅茶渍饭，外层煎到脆脆，个鳗鱼都够厚身，加埋佢独得嘅高汤，又系食完当去左日本之系列。我之前系呢到食过黑鲍好出色，三陆产黑鲍鱼配海胆汁有个好正嘅海胆汁，够热得来而个海胆仲系维持个个形态，黑鲍鱼刚刚好的软得来又弹牙。