影片
更多
2021-05-02
338 浏览
今晚(5月1号)约咗个fd食晚饭，见难得屯门有间睇落唔错嘅cafe，就胆粗粗去试下出面望入去都几有格调，入座率都有七八成，无订位都可以walk-in即刻入座一入去即刻睇menu，有意粉/薄饼同埋几款main course，突然之间想食扒就拣咗298嘅USA Prime Black Angus Beef Ribeye同埋火箭菜巴马火腿薄饼，因上次出外食牛扒嗌五成熟都稍老，所以今次嗌咗三成熟另加一杯Espresso Tonic同Banana Chocolate Latte嘢饮好快到，我饮Banana Chocolate Latte，第一啖好有香蕉朱古力嘅香味，吞落去就再有咖啡香味，几有新意嘅配搭，朋友表示佢点嘅Espresso Tonic亦尚可然而，嘢食方面就系大灾难，等咗半个钟都未上菜，薄饼我都可以体谅制作需时，但肉眼需要煎咁耐咩 中途唯有继续空肚饮咖啡顶住此乃第一败笔等多一阵终于上咗肉眼，不过我第一眼望落去即刻打个突，表面㶶㶶哋，唔好话三成，应该甚至乎超过七成熟 到切嘅时候，298嘅牛扒本身都预咗唔会好大旧，点知薄如纸，大家乐嘅西冷牛扒仲厚过佢切落去一望，仲心up，中间绝大部份全熟，只
出面望入去都几有格调，入座率都有七八成，无订位都可以walk-in即刻入座
一入去即刻睇menu，有意粉/薄饼同埋几款main course，突然之间想食扒就拣咗298嘅USA Prime Black Angus Beef Ribeye同埋火箭菜巴马火腿薄饼，因上次出外食牛扒嗌五成熟都稍老，所以今次嗌咗三成熟
另加一杯Espresso Tonic同Banana Chocolate Latte
嘢饮好快到，我饮Banana Chocolate Latte，第一啖好有香蕉朱古力嘅香味，吞落去就再有咖啡香味，几有新意嘅配搭，朋友表示佢点嘅Espresso Tonic亦尚可
然而，嘢食方面就系大灾难，等咗半个钟都未上菜，薄饼我都可以体谅制作需时，但肉眼需要煎咁耐咩 中途唯有继续空肚饮咖啡顶住此乃第一败笔
等多一阵终于上咗肉眼，不过我第一眼望落去即刻打个突，表面㶶㶶哋，唔好话三成，应该甚至乎超过七成熟
到切嘅时候，298嘅牛扒本身都预咗唔会好大旧，点知薄如纸，大家乐嘅西冷牛扒仲厚过佢
切落去一望，仲心up，中间绝大部份全熟，只有一点少少红，一啲肉汁都无，直接啲讲句，我去嗌碟切鸡饭，入面旧鸡都仲会生过佢，煮唔熟嘅血红位仲会多过佢
食落去，靭到飞起唔在讲，完全似食橡筋，仲要唔系热嘅，只系微暖，到底佢点煮先可以煮到一块九成熟但唔热嘅牛扒serve客
落单问我嗌三成熟，但系出到黎煮到九成，咁问我要几成熟仲有咩用 食材差，厨艺更差，块牛扒完全无值得赞赏嘅地方，咁都可以打开门口收人298真系艺低人胆大此为第二败笔
本想同朋友share食，最后我朋友只食了三份一块肉眼，我只食了一啲啲。
最后，食完薄饼同饮完咖啡之后，真系顶唔住块肉眼质素咁差，同女侍应讲，但佢态度冷淡，毫无悔意
我第一句就问「唔好意思，我嗌咗三成熟㖞，呢块扒几多成熟架?」，然后第二句就即刻表明我唔系想换，但佢只回覆「哦」就迳自走开，毫无礼貌
到埋单𠮶阵我又忍唔住再讲多次，佢只问一句「咁前面𠮶啲(即系食咗𠮶啲)有无问题」，我答佢一样咁overcooked，佢再一次无任何表示之下走开咗
件事我讲咗两次，个侍应都系听完就算，中途连句「唔好意思」都无，我本身无打算要换，只系想好好哋同朋友开心食个饭，但系佢连一个交代同唔好意思都无，真系食到好谷气此为第三败笔
最后见个侍应由头到尾都无同厨房反映，完全无视我意见，唯有又嬲又饿咁走咗
上菜慢，食材劣，厨艺拙，态度差，永久blacklist不会再帮衬
22 浏览
0 赞好
0 留言
USA prime black Angus beef ribeye
$298
20 浏览
0 赞好
0 留言
USA prime black Angus beef ribeye
$298
17 浏览
0 赞好
0 留言
张贴
