裕興咖啡 (已結業)

三年前系中环番工，同旧同事系裕兴既超级拥趸，经常早落楼放饭就冲去排裕兴，但好多时都系可遇不可求，由于食品数量有限，好快就售罄。之后同旧同事都转工了，但依然会相约裕兴，直到大半年前裕兴张贴通告话暂停营业直到另行通知，之后都成一年无食过了最近得知裕兴重开，就相约友人去裕兴碰运气，我突登12点正就到，但裕兴的三张桌子都差不多坐满了人，老板娘已经要数睇下食材份量预备得够唔够先敢接我地单，之后非常好彩，我同友人系最后两碗！！咁多年我都系叫咸牛肉炒蛋捞公仔面，每次都系食到光盘，咸牛肉炒蛋永远都系煎得极香脆，同捞面好夹，食左咁多年都唔会厌同友人吹下水咁等，完全唔觉等左1小时，听到老板娘同其他熟客倾计先知老板身体抱恙，做埋今日既生意，就要休息治疗三个月先会再重出江湖了...老板老板娘要保重身体，我地3个月后再见！