影片
更多
2024-06-19
1182 浏览
朋友话想去睇地道啲嘅地方，带咗佢嚟深水埗，想坐底食吓小食，又唔想食咁饱，就谂起呢间公和豆品厂。细个同屋企人嚟深水埗都会去饮吓豆浆，食个酿豆腐，所以都想比外国朋友体验吓。我哋嗌咗个三拼、两杯豆浆同埋一个姜味豆腐雪糕。三拼有酿豆卜、酿豆腐同埋一个炸鱼肉捞豆腐。我自己最钟意食酿豆腐，豆腐无额外调味，一食就有好香浓嘅豆味，好正！炸鱼肉豆腐都唔错，会食到豆腐嘅软嫩同埋绫鱼肉嘅弹牙。我朋友就话炸豆卜最好食，佢系煎酿三宝豆卜𠮶只味，我觉得麻麻哋，因为钟意食有索汁，软淋淋嘅豆卜多啲。姜味豆腐雪糕我觉得都唔错，比起一般雪糕紥实，唔容易溶，豆腐味都好出，系姜汁糖水味道唔算太浓。我哋食晒所有热食先食佢嘅，可能都至少十五至二十分钟，都唔会话溶咗好多食唔落。豆浆就有糖嘅话都偏甜嘅，不过豆浆唔落糖又会好寡，所以都无办法。饮完会有啲口渴，不过出面天气咁热，真系要整返杯冻嘢抖吓气先得。以后嚟都会去食豆腐，坐吓倾吓计都几似去咗cafe啊～
细个同屋企人嚟深水埗都会去饮吓豆浆，食个酿豆腐，所以都想比外国朋友体验吓。
我哋嗌咗个三拼、两杯豆浆同埋一个姜味豆腐雪糕。
三拼有酿豆卜、酿豆腐同埋一个炸鱼肉捞豆腐。
我自己最钟意食酿豆腐，豆腐无额外调味，一食就有好香浓嘅豆味，好正！
炸鱼肉豆腐都唔错，会食到豆腐嘅软嫩同埋绫鱼肉嘅弹牙。
我朋友就话炸豆卜最好食，佢系煎酿三宝豆卜𠮶只味，我觉得麻麻哋，因为钟意食有索汁，软淋淋嘅豆卜多啲。
姜味豆腐雪糕我觉得都唔错，比起一般雪糕紥实，唔容易溶，豆腐味都好出，系姜汁糖水味道唔算太浓。
我哋食晒所有热食先食佢嘅，可能都至少十五至二十分钟，都唔会话溶咗好多食唔落。
豆浆就有糖嘅话都偏甜嘅，不过豆浆唔落糖又会好寡，所以都无办法。饮完会有啲口渴，不过出面天气咁热，真系要整返杯冻嘢抖吓气先得。
以后嚟都会去食豆腐，坐吓倾吓计都几似去咗cafe啊～
张贴
