禮食品市場 (已結業)

第一次嚟呢间餐厅兼日本食材商店，虽然话系工业区，但其实由德福戏院过嚟唔驶5分钟。面鼓汤系自助去拎嘅，都好足料。我叫咗汁烧三文鱼腩饭（$78），同伴叫左牛肉乌冬（$58）。个饭一上枱，我地就被焦香嘅鱼皮吸引住，啲三文鱼香滑得嚟唔会好油，鱼肉大大旧，但食完唔会有罪恶感。至于伴碟嘅玉子烧，竟然出乎意料咁好食，甜度同咸度刚刚好，食完之后即刻买左一包返去。同伴话牛肉乌冬相当好食但唔及三文鱼腩出色，饭后佢叫左一件千层蛋糕（$20），蛋糕入面嘅忌廉超级香浓！食完野我地买左少少食材，店员非常主动帮忙，听讲呢度嘅鳗鱼饭好多人叫，下次一于再试！呢度啲小食几乎都系20蚊以下，有机会点都要嚟食！