龍景軒

营业中

休息中

睇过食评，做过功课先过嚟食。用3~6个月大嘅本地加美鸡熬成的皇汤鸡丝羹绝对必食，味道极为浓郁，啖啖精华。皇汤用小型瓦煲上，下面一直用蜡烛㷫热令鸡汤不会因温度下降而「凝」油。自问唔算细食，不过食完隔一阵会觉得饱饱哋～ 另一碟有惊喜反而系complimentary 嘅头盘，酸姜玉子豆腐。味道配搭恰到好处，唔怕酸姜抢味。龙带玉梨香几特别，皮薄而脆。唯一就系底部嘅梨有一份甜一份唔系好甜... 自己口味觉得应该配甜会好味d... 其他菜式好似焗蟹盖、鲍汁扣鹅肝、清汤牛腩都唔错，啖汤好清（可以想像捞河粉会劲正）。全部水准之内但唔会有特别惊喜。单尾炒饭略油... 呢个真系有d 失望。甜品方面，某youtuber 推介甜品杨支甘露为全港最好食... hm... 唔系lor。 味道冇问题，系好味嘅之但系我唔觉得系「最」好食。明明本来系想试另一个 chef recommendation 嘅甜品，真系可惜了我嘅quota。值唔值？我觉得食物水准，service 同环境都值呢个价位。只系唔系碟碟菜都好惊艳。由于佢系三星，所以本身对佢都好有期望，expectation 亦会相较提得更高。回头的话会过嚟试下点心。