影片
更多
2022-06-08
1066 浏览
米芝连三星预约困难中菜厅人均消费：$1200总结：大失所望————————————————————————话说龙景轩系劲难book. 但我又真系好想试下呢间连续咁多年都攞三星嘅中菜厅究竟有几劲，所以就趁去Four Seasons staycation 嘅时候问埋酒店有冇得book，最终有幸可以试到.一般中菜厅都会有啲香口小食提供，但龙景轩冇.餐前小食 - 一旧玉子上面有啲凉菜，好普通，亦唔特别令人开胃，唔系好理解佢嘅作用. 厨师精选拼盘（叉烧、乳猪、炸蚝）$260 - 叉烧一般，个人比较钟意天龙轩嘅叉烧. 乳猪皮脆，但咸左啲. 炸蚝有柚子汁伴住，但个蚝冇味的.皇汤鸡丝羹 $340- 非常浓郁，好香嘅鸡味，呢个值得叫. 不过share会好啲，因为会好腻.黑松露龙虾春卷 $440 - 本来expect 里面系啖啖结实嘅龙虾肉，但原来系龙虾蓉，虽然同预想中有出入，但都好食嘅. 至于值唔值就见仁见智喇.龙带玉梨香 $480 - 令我地好失望嘅一道菜. 带子虾胶加一片梨，带子同虾系冇味，而梨都唔系爽脆. 三样野加埋好似好理想咁，但食嘅时候感觉唔到佢地点样可以互相辉映. 令人黑人问号嘅招牌菜.梅
[龙景轩]
米芝连三星预约困难中菜厅
人均消费：$1200
总结：大失所望
————————————————————————
话说龙景轩系劲难book. 但我又真系好想试下呢间连续咁多年都攞三星嘅中菜厅究竟有几劲，所以就趁去Four Seasons staycation 嘅时候问埋酒店有冇得book，最终有幸可以试到.
一般中菜厅都会有啲香口小食提供，但龙景轩冇.
餐前小食 - 一旧玉子上面有啲凉菜，好普通，亦唔特别令人开胃，唔系好理解佢嘅作用.
厨师精选拼盘（叉烧、乳猪、炸蚝）$260 - 叉烧一般，个人比较钟意天龙轩嘅叉烧. 乳猪皮脆，但咸左啲. 炸蚝有柚子汁伴住，但个蚝冇味的.
皇汤鸡丝羹 $340- 非常浓郁，好香嘅鸡味，呢个值得叫. 不过share会好啲，因为会好腻.
黑松露龙虾春卷 $440 - 本来expect 里面系啖啖结实嘅龙虾肉，但原来系龙虾蓉，虽然同预想中有出入，但都好食嘅. 至于值唔值就见仁见智喇.
龙带玉梨香 $480 - 令我地好失望嘅一道菜. 带子虾胶加一片梨，带子同虾系冇味，而梨都唔系爽脆. 三样野加埋好似好理想咁，但食嘅时候感觉唔到佢地点样可以互相辉映. 令人黑人问号嘅招牌菜.
梅子煎酿花枝蟹钳 $320 - 我地叫左好几样海鲜嘅菜，佢地嘅共通点系冇海鲜嘅鲜甜味，呢个蟹钳系食唔出任何味道，只系食到好浓味啲梅子汁，完全冇蟹或者花枝嘅味. 去饮宴嘅蟹钳分分钟好食过呢个.
炸酿鲜蟹盖 $320 - 用花蟹拆肉做，所以唔系啖啖厚身蟹肉. 但都食得出蟹肉鲜甜，符合预期嘅一道菜.
杨枝甘露（又唔记得影）$92 - 竟然甜品系今晚最好食嘅一样野. 芒果够甜，推介.
然后茶艺师冲左桂圆茶比我地消滞，茶艺师嘅service同埋茶嘅味道带番米芝连三星嘅感觉比我地. 最后送嘅茶点味道都附合预期.
总括而言，呢餐系非常失望嘅，佢咁难book嘅时候客人对佢地会有一定嘅期望. 其他同事嘅服务唔系话唔好，但唔系预期中会喺四季遇到嘅水平. 个人觉得净讲食物，连一星都比多佢. 我地已经拣啲热门推荐嘅菜式，但都唔觉得惊艳，只有满头问号. 因为网上嘅食评都一面倒赞到上天，但平心而论食到中途真系燥燥地.😂可能午市食茶点会好啲？或者纯粹我bad luck？可以肯定嘅系今次试左叫做圆左个心愿，心都死埋唔会想encore.
******************************
龙景轩 (中环)
中环金融街8号香港四季酒店4楼
张贴
