三木日本料理 (已結業)

之前同朋友出尖沙咀行街，同朋友行街唔想烦谂食咩，最好既选择就当然系食放题啦。最后我地拣左尖沙咀站附近既三木日本料理，交通方便，食完就可以搭车走。当日虽然系星期日，夜晚大约八点半，不过都唔需要等好耐就有位。入面环境比较昏暗，不过可以接受。有A-N既食品点纸以供选择，另有特上刺身孖宝(HKD38/份)。其他包括:刺身，寿司，军舰、火灸寿司，手卷，反卷，日式沙律，串烧、日式小食，铁板烧，天妇罗/炸物，一品料理/汤品、丼/乌冬、甜品、饮品。因为部份食品即叫即做，上菜速度不算快，一开始需要点时间等待。一开始我地每人一碗日式蟹粥，蟹味甚浓，好味道。不过粥既米量较少，水多，搞到好似蟹汤。之后就到刺身啦~虽然两个人，但都叫左满满既一碗！我不太懂刺身，不过友人觉得颇新鲜，最后仲加单叫多d。我们只点了火灸寿司，推介火灸海鳗寿司，鳗鱼汁同鳗鱼配合得好好味。但系鳗鱼汁放落其他火灸寿司稍为有点甜。串烧:有机菠萝烧和日本糖芯蕃薯串真系必食，两个都好好味！即使同样系烧，仍然保留水份，仲好甜。香辣鸡肉串都可以尝试下，少少辣，几野味！炸物:可以尝试下自家制墨鱼饼同日式香蕉年糕，几特别，唔系度度有得食。芝士