云手工火鍋店

营业中

休息中

鸡煲食得多，但三种椰子整成嘅鸡煲我第一次食真系觉得好惊艳，一开始椰肉用嚟炒鸡，已经闻到阵阵嘅香气，之后到上鸡汤，再倒入原个椰皇，同埋椰青王，未食之前我已经饮咗三碗汤，真系好鲜甜，唔会好油腻，好好味。只鸡仲都好滑，食晒啲鸡先至用个汤嚟打边炉。手工鲛子同埋虾丸，味道真系食得出用心制作，最正食到芫荽饺，好重芫荽味，黄金虾丸，入口好弹牙，入面更加有咸蛋黄，特别香口。鹅肠已经唔系咁多地方可以食得到，呢度仲可以拣肥鹅肠定系瘦我肠，我拣咗瘦鹅肠但入口依然爽口，最精彩当然不得不提碟美国肥牛，配埋干冰一齐上，打卡效果一流，味道亦都好好，入口即溶，牛味浓郁，今餐我真系唔记得已经饮咗几多碗鸡汤，因为真系超级好味，非常满足。