吉野家 (已結業)

之前已经听过吉野家个三点三下午茶好抵食!!! 今次经过apm，时间差唔多，一于食呢个餐先。另外仲有个唐扬鸡配牛肉饭餐都好吸引呢!!!三点三下午茶餐包左迷你牛肉饭(如果唔食饭，好似可以拣乌冬架)，胡麻冻豆腐同珍宝肠同饮品。虽然话系迷你牛肉饭，但份量唔算小，下午茶食就刚刚好，加埋牛肉汁会更好味!! 珍宝肠都算大条，如果皮脆啲会更好食。细佬就食左叉烧冷面，份量唔算好大碗，以下午茶计，够饱嘅!! 酱汁当然系万能芝麻酱喇!! 细佬话叉烧如果嫩啲更好味!! 下次要试试唐扬鸡𠮶款先。