弦 (已結業)

弦，绝对有一定份量将呢个商场变成一个世外桃源。适逢女友正日生日，一收到风开左间omakase 系荃湾就已经book定位，上网做哂资料搜集唔希望寿星失望，就试一试特别多人推介既15贯lunch omakase。由淡味去到浓味，味蕾既反应由新奇到惊叹，呢一餐饭，呢一个价钱，有能力可以将我系日本食过既比下去。我唔希望去一一点评我食过既寿司，因为呢啲野应该系由食客同师父去沟通出黎，就算你唔中意既食材，系呢一间餐厅入面，比个机会自己，去将个样食材另眼相看，因为好多出面有既食材，经师父既加工已经更上一层楼，最令我印象深刻既我会话系三文鱼籽同海胆军舰。几道寿司都挂住一齐吹水唔记得影相，同埋可能系缘份，埋单先知原来对面既师父系铺头既总厨，少写食评既我都特登上黎补返个，多谢款待！