泰糯米 (已結業)

喺葵芳扫左一轮小食，突然想食啲甜品，经过见到仲要系泰式甜品，真系唔食唔得呀除左糯米饭之外，泰糯米仲有唔同甜品卖，但每次到泰国必食既芒果糯米饭先系我今日要介绍既。见到比一般紫米或糯米唔同，有三只食既糯米饭，决定试一试佢，三色糯米饭比其他糯米饭贵5蚊，25蚊一盒。份量刚好，唔会太多，一个人食晒刚刚好。三色中除左一般糯米，仲有绿色代表斑兰味，粉紫色系蝶豆花味。三款糯米软硬都适中，咬落好有口感，其中斑兰同蝶豆花味好新鲜，蝶豆花味未食之前都闻到淡淡花香，食落好清新。芒果都甜，配埋椰浆真系好好食呀。