泰糯米 (已結業)

網上很多食評超趣姐呀芒果名咪結果經過葵廣就決定一試！原來是限量發售的😮 我拿了最後一盒，真幸運😅 可惜有丁點兒失望，糯米飯有半個芒果普通白糯米和紅糯米，不算是太差不過比起餐廳來說真的比不上🤷🏻‍♀️ 可能是價錢也比較便宜吧🧐

因為很久沒有吃過泰式甜品，所以經過的時候一看到便很想嘗試。沒想到原來是限量發售，買了一份後，不用多久便售罄了🤣主要是有半個芒果，紅糯米，以及普通的糯米飯。沒想到吃起來，算是我吃過最難吃的芒果糯米飯😭 首先主角芒果非常酸，糯米飯煮不透的一樣，非常難咀嚼，就算配上椰汁吃起來也沒有幫助.....

好奇心吸引我要試一試。芒果西米露。勁濃郁唔似一般食糖水，好稀好水甘甜度我個人覺得適中朋友就覺得可以再少d甜分量足夠，不過店主講每日新鮮整，所以數量唔會好多其實一開始行過既時候我一心想買泰茶飲不過已sold out 店主先推介依款價格上真心平。因為依家飲杯珍珠奶茶都要二十幾蚊依杯買20蚊。仲有個玻璃杯俾你值得一試雖然店面不大，選擇亦不多，但我相信是良心小店可惜，葵廣競爭實在太多。希望下次我再去可以試到其他野

椰汁西米糕 $20/4件 上次因爲冇開，所以試左隔離果間「曼菊」好有驚喜，今次有開緊係要試下！點知好失望⋯⋯$20/4件 大大件。-一撕開d 荷葉就睇到上下兩層係分開，食嘅時候都好難兩層一齊食。上層椰汁味都夠，食落ok 嘅。-下層嘅西米糕就好難食，似平時煮過籠嘅西米露咁，好糊。（完全想放棄左佢。）- 上次食「曼菊」椰汁西米糕嘅時候，下層西米糕會有芋頭 & 粟米粒，但呢間就咩都冇，口感冇咁豐富。⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯回頭指數：0/10（下次都係食返曼菊）

我同阿肥今日嚟到葵廣掃街嘅第二站,就係到呢間「泰糯米」買番啲糕點外賣番屋企做甜品。呢間小店嘅主打賣點都係價錢便宜嘅芒果糯米飯同埋一啲特色糕點,每日新鮮製造,賣哂就明天請早,所以炎炎夏日都唔洗驚佢會放得太耐而令食物變質,有時晏咗收工過到嚟,佢都真係已經冇貨賣而收咗舖嚕,所以想食嘅話真係趁早買就最穏陣。 今次我哋買呢款玫瑰造型泰式千層糕$20蚊有六隻,通常都係三隻白色三隻綠色咁,但其實兩款都係一樣味架,因為呢款係mix嚟(椰子味溝斑蘭味),只係店主整嘅時候調咗邊一隻色為主,務求令到賣相更加精美,食都食得開心啲阿肥係一個極度鍾意食椰汁糕嘅人,所以幾乎每次嚟親都會幫襯,而我都愛上咗佢嘅味道,因為綠色係我鍾意嘅斑蘭味,佢再混合埋椰子味嘅時候,相對糕點就會好香好甜,質感亦都煙煙韌韌,細細舊一啖就冇咗,食咗應該都唔會怕肥 最後提大家一點,買到番屋企就最好盡快食用唔好隔過夜喇,呢種人手整嘅糕點愈早食質素先能夠保持到最好,擺得耐就會出水架喇

有啲掛住泰國個trip，唯有食返個芒果糯米飯一解思鄉之情啦見到葵涌廣場20蚊就有一盒，價錢唔貴，即刻試下，我地揀左盒芒果睇落深色啲既，俾左錢之後店員就會幫手落椰漿。芒果食落都甜，不過有冇浸糖水就唔知啦…我地見到有啲芒果好淺黃色，應該都幾酸。糯米飯就有啲硬，同埋一盒啲飯完唔算多，係薄薄地一層，不過做飯後甜品岩哂

喺葵芳掃左一輪小食，突然想食啲甜品，經過見到仲要係泰式甜品，真係唔食唔得呀除左糯米飯之外，泰糯米仲有唔同甜品賣，但每次到泰國必食既芒果糯米飯先係我今日要介紹既。見到比一般紫米或糯米唔同，有三隻食既糯米飯，決定試一試佢，三色糯米飯比其他糯米飯貴5蚊，25蚊一盒。份量剛好，唔會太多，一個人食晒剛剛好。三色中除左一般糯米，仲有綠色代表斑蘭味，粉紫色係蝶豆花味。三款糯米軟硬都適中，咬落好有口感，其中斑蘭同蝶豆花味好新鮮，蝶豆花味未食之前都聞到淡淡花香，食落好清新。芒果都甜，配埋椰漿真係好好食呀。

之前在其他時段經過，看見人流眾多，這次也接近中午來到，可能很多少年還未出外活動，人流比較少，可以買個外賣。店內有黑糯米以及白糯米兩種，就要一個最普通的芒果糯米飯吧。芒果糯米飯，其實糯米飯份量不太多，只在芒果底下，薄薄一塵層，而上面的芒果亦都不太大件，薄切，但是芒果多汁，還算甜美，芒果味道不算太過香濃出眾。糯米飯叫了多椰汁，味道不算太甜，薄薄一層，當作小食的話就不會太飽。如果打算買外賣回家吃的話，可能要買兩份了。

芒果白糯米飯 --- $20芒果黑白糯米飯 --- $25..............................價銭還算親民，但相對份量也少，多人分享的話，還是到泰國餐廳買一整份的，性價比可能反而更高。芒果清甜，白糯米軟，黑糯米則太硬。汁料太淡，沒有椰香。基本上整體就是沒什麼味道……以這個價銭，我覺得淺嚐還算可以，但如果下次再想吃芒果糯米飯，可能會到別家踫踫運氣。

琴日同朋友去葵涌廣場覓食好耐之前係Facebook見到有媒體介紹嗰陣睇報道啲嘢好似好好食同好吸引已經嘗試好耐本來我嘅朋友都冇乜興趣食但係我都堅持一定要去試吓點知試完之後真係冇下次我買咗一盒普通嘅芒果糯米飯$20同一盒椰汁糕$20盒椰汁糕都正正常常冇乜特別味道可以接受但係一食個芒果糯米飯就出事芒果糯米飯嘅椰汁味超淡啲糯米飯仲要乾爭爭一啲都唔煙銀食落去好似白飯嘅味道同感覺係令我有難食嘅感覺個芒果都好正常嘅都靚嘅但係個糯米飯真係不能接受我係香港未食過啲咁難食嘅芒果糯米飯我直情係有媒體過分吹捧嘅感覺所以令我好失望

係葵廣亂行，見到有係泰國食極都咁好味嘅芒果糯米飯，仲要係$20咋(應該冇記錯)，可以兩個人share，幾抵食，仲幾多人買下。食落第一啖飯，有椰汁味，不過略嫌飯有啲硬，爭啲，唔係幾好食，唔知係咪啲椰汁撈唔勻，有啲飯無味，最後都係食唔晒啲飯。🤦🏽‍♂️啲芒果OK ,唔係太酸，係正常但冇到好好食，不過芒果就食得晒。 總括我覺得一分錢一分貨，份量真係幾多，食落係普普通通，用＄20買都唔可以期望佢有幾好食。😳

佢呢隻千層糕有分斑蘭同埋碟豆花兩隻味。班蘭味食落就椰汁味比較香，而蝶豆花小編就覺得花香味超勁，不過就有啲似廁所啲清新劑味。接唔接受到就見仁見智啦！不過小編覺得食落都幾好味，煙煙韌韌咁簡直係小編嘅至愛，而且亦都唔係好貴絕對係值得一試架！佢呢個玫瑰水晶好特別，外層有水晶膠包住而裏面嗰層就係千層糕。千層糕就有斑蘭同蝶豆花兩隻味。玫瑰水晶糕集煙韌同爽口，兩種不同嘅口感於一身，真係幾特別下。另外呢集咁創新嘅甜品係店主特創，而且個樣又靚。試問又點可以唔買來試吓呢？如果想知道中間嘅千層糕嗰個食評嘅話可以留意睇返上面。佢呢個食落就冇玫瑰千層糕嗰隻咁煙韌，另外椰汁味都唔及玫瑰果隻咁香。不過佢食落口感就有啲彈牙嘅感覺，不過相比坊間嗰啲又真係好食啲嘅。但佢尼一個每日最多都係得40盒左右。整一底都要兩、三個鐘時間。絕對係心血嘅製成品嚟架！大家經過都可以買黎試吓，小編覺得都食得過。

其實foodpigss🐷🐷成日都覺得泰國野幾好食😂 所以見到呢啲泰國糕點就忍唔住買黎試試😄 👇🏻👇🏻👇🏻👇🏻👇🏻👆🏻👆🏻👆🏻👆🏻👆🏻左邊果兩件好似話係斑蘭味😇 咬落都算可以~ 而中間果件西米椰汁糕都算有椰汁味😜 底層除左西米之外仲有粟米😝 不得不提右下果件花花形狀嘅糕好有茉莉花味😍 係🐷🐷覺得最正嘅一件👍 至於右上果件就冇咩特別👉👈 所以唔太記得咩味🙈 整體而言算正正常常！ 一試無妨😄

已經幫襯過呢一間泰式糕點店好幾次，因為覺得老闆娘嘅態度好親切，食物質素又OK （我淨係幫襯過店家買千層椰汁糕，而芒果糯米飯等等嘅其他食物係未試過嘅。 我哋第二次返轉頭幫襯嘅時候，老闆娘認得我哋，仲同我講：咁快又食晒返嚟幫襯我哋啦不過近來幫襯已經覺得椰汁糕冇鋪頭新開張嘅時候咁好味柔軟。千層椰汁糕的確係有椰汁嘅香味，但係食落口並冇椰子嘅味道；仍然做到層次分明嘅口感，不過糕點柔軟度減低左（但未至於膠嘅）希望好快會再食得返舖頭新開張嗰時又香又軟嘅千層椰汁糕啦

之前睇過其他食評有提到依間鋪嘅芒果糯米飯，好奇心底下就去試左，我認為名蓋於實，係製作過程中，我淨係見到佢將加熱左嘅梛汁加落個冷凍左嘅糯米飯度，而令到個飯入口嘅感覺差左好多，原先應該包含在內嘅椰奶香消失,令我有少許遺憾，而且係芒果方面，芒果份量本身唔算多，但應有嘅質素都淡然無存，加上芒果略為淡， 入口嘅感覺略為差，與糯米飯之間並沒有配搭得宜嘅感覺，但勝在價錢僅在 20元左右,易算與質素相乎，而對比起廣場內，其他同樣有售芒果糯米飯的店舖則略為遜色，不過如果想試嘅亦無況。