影片
更多
2018-03-29
88 浏览
是日收工跑到长沙湾监督新屋装修进度，完事后觉得肚空空，因为岩岩搬黎呢边，唔知有咩好食就上开饭研究研究，见呢边唔系火锅就系茶记，唯独呢间车仔面店挂串烧卖汤面，个名仲要走日本型格风就决定试下佢。位置都几偏，系苏屋邨对面，平时坐巴士见亲苏屋都想问系边，今日终于知答案。一入到去打左个特，七点九都黎一个人都无，心谂难度又系一个伏？！但都入左去无理由咁样衰走反出黎架嘛，好啦，就叫左碗牛腩+罗白+油面，盛惠$23，系你无睇错23蚊。中学过后，都已经无再见过有23蚊一碗两𩠌面食！谂住平野实系无好野，但平野真系有惊喜～两𩠌一面：罗白：好甜，真系清甜个种，唔系加料加糖水煮个种假甜，完全无渣，！牛腩：要改善下，一系呢个𩠌就加价，买啲好少少牛腩，或者改变煮法，肉质好韧，唔入味，同埋啲肉上台已经好散，讲真一望到有少少影响左食欲。辣汁：唔错，叫中辣真系有中辣既程度，我都叫食得辣都食到出哂汗，不错不错。腩汁：同尖沙咀铜锣湾啲名牌车仔面店比都咬到下手瓜，最正系台面樽虾油，真系成间铺灵魂，本身个汤未加前都好够味，但手痒加一小匙结果成碗面变到劲香虾味，香！面底：我个碗系油面，面质正正常常，老婆个碗就幼面，但佢话太稔，所以
位置都几偏，系苏屋邨对面，平时坐巴士见亲苏屋都想问系边，今日终于知答案。一入到去打左个特，七点九都黎一个人都无，心谂难度又系一个伏？！但都入左去无理由咁样衰走反出黎架嘛，好啦，就叫左碗牛腩+罗白+油面，盛惠$23，系你无睇错23蚊。中学过后，都已经无再见过有23蚊一碗两𩠌面食！谂住平野实系无好野，但平野真系有惊喜～
两𩠌一面：
罗白：好甜，真系清甜个种，唔系加料加糖水煮个种假甜，完全无渣，！
牛腩：要改善下，一系呢个𩠌就加价，买啲好少少牛腩，或者改变煮法，肉质好韧，唔入味，同埋啲肉上台已经好散，讲真一望到有少少影响左食欲。
辣汁：唔错，叫中辣真系有中辣既程度，我都叫食得辣都食到出哂汗，不错不错。
腩汁：同尖沙咀铜锣湾啲名牌车仔面店比都咬到下手瓜，最正系台面樽虾油，真系成间铺灵魂，本身个汤未加前都好够味，但手痒加一小匙结果成碗面变到劲香虾味，香！
面底：我个碗系油面，面质正正常常，老婆个碗就幼面，但佢话太稔，所以叫既朋友可能要叫佢煮硬身啲，因为只面望落都几幼，但两碗都好足料，份量男人食都够，女人可能会觉得有啲多，补多句：真系抵食。
黎到呢度，无理由唔食串烧，但我同老婆食完面都几饱，但都叫左鸡软骨同牛舌，老板个爸爸就叫我地试埋扇贝同带子，话好正，但因为太饱都系放弃。。下次试下先
串烧：
牛舌：软硬岩岩好，无出血水，表面够干身，咬入去又有少少汁，同时调味落得几好，唔会太咸又够香。
鸡软骨：一上黎，热辣辣食左啖，好鬼香口，又够脆，味道好好，配啤酒一流。不过放冻左，调味会有少少变苦味，但整体都系好食。
讲完食物，真系想讲系呢间野装修，出面讲真食车仔面好多时都污污曹曹，圆台十几张，又逼又窄，相反静系放几张木台，几张高身吧台，灯光又有少少昏暗环境咁，唔知真系以为系入左日本居酒屋咁款，真系无谂过屋邨附近都有间咁高质既车仔面店，系而家呢啲租又贵，物质又高既情况下，仲有老板愿意以咁宜人既价钱同高质既食物质素去经营，真系值得一赞，所以老婆都话将三郎例入我地长期饭票之一，为本地企业打打气。希望三郎顶到呢个巨轮
$23
22 浏览
0 赞好
0 留言
串烧
$20
18 浏览
0 赞好
0 留言
张贴
