齊記美食 (已結業)

最近试呢间齐记美食双𩠌饭，之前都2-3点先买，今日早左12点半就到，我就叫左三𩠌饭，有咕噜肉，咖喱鸡，莴笋肉片，HK$44个问题系，呢间野唔同人装，唔同时间买系完全唔同份量，好似今次早左去买，换左个姐姐装𩠌，就明显系平时少，比一般其他店既双𩠌饭都少。少既程度系，人地叫饭𩠌饭，一个𩠌装满左边𩠌格，我呢盒系两个𩠌装满𩠌格；人地另一个𩠌放满右边饭格上面，而我只系两三件咕噜肉放满半边饭格。我见隔离个姐姐双𩠌饭都装到成个盒都满晒，我叫三𩠌饭份量仲少过隔离，心谂我仲比多几蚊。但老实讲，味道方面系唔错，系有时会太咸，例如今次既咖喱鸡。可能大家觉得食个颓饭咁认真做咩，但当你食个颓饭都要感觉比人呃钱咁，就唔系咁好受，日常已经有好多唔愉快要面对，唔应该买个饭都要受不公平对待。