無辣不歡

营业中

休息中

事情系咁嘅，本来我都唔太想讲，但呢间外卖店整错咗净系讲唔关佢事嘅话，我觉得要提醒吓想试嘅人。话说昨日我喺呢度买咗两个粉皮，一个拎返屋企放雪柜俾我老公，另一个我自己食咗。原本𠮶个粉皮系留俾我老公放工返来食，佢放工好夜，我同细路瞓咗，佢返到嚟就自己食。今日同佢倾起，我问佢昨日𠮶个粉皮好唔好食，佢话OK啦，但好dry，得啲猪耳，咬到好攰。跟住我先知，原来我order咗嘅鸡丝同猪肚佢哋完全冇加。虽然过咗一日，但我都系打咗电话同佢哋讲，因为每样配料加$8，两样就$16，唔系平嘢。但佢哋听完，竟然话第二日嘅事同佢哋无关。讲真，间店净系做外卖，又冇位坐，做好咗唔通要我即刻喺度拆开check咩有咩无？就算即刻发现有问题，都唔一定即日搞得掂，或者我已经返咗屋企啦。所以我想讲，如果你去呢间店买嘢，最好即刻check清楚先走人，唔系佢哋一句「唔关我事」，每个order都可能少咗啲嘢。佢哋咁做生意，真系几好赚。