上咖啡

营业中

休息中

位于筲箕湾道楼上Hair Salon内，唔揾都唔知，原来呢度有一间咖啡店，约有3x个位，有嘢食、有嘢饮、有书、有board game，系一个唔错嘅消闲之地。冰摇青瓜咖啡 ($38) - 浓郁青瓜味，可惜太甜，首次见到呢个配搭，都几得意！如果怕甜，建议要走甜或少甜栗子鲜奶咖啡 ($34) - 微微栗子味，都系偏甜，如果怕甜，建议要走甜或少甜焦糖鲜奶咖啡 ($34) - 正常焦糖味，甜度正常，配埋块曲奇饼就啱啱好随热咖啡附上的提子曲奇饼，好香牛油味。见到唔少人都有叫佢哋个窝夫，如果唔系已食饱咗，一定会试下，下次吧～特别一提，呢度系顾客自助服务的，先到柜枱落单及付款，会有个数字牌，店员会送餐，但用餐完毕后，需自行将食具、杯碟放回近门口的餐车上。