Hidden Table (已結業)

作为每个月都会食一次烧卖嘅食家，当然知道呢间红磡嘅hidden table 喇！店铺主打新派fusion烧卖，口味相当吸引，呢度嘅烧卖粒粒皮簿饱满，价钱唔算平但值得一试。我嘅至爱就系呢个🤍《奶油麻辣鱼肉烧卖》 麻辣味出众，而奶油刚好中和咗佢嘅麻辣，食落辣得唔辛苦，而系越食越开胃。同场仲叫咗🤍《秘制猪肉烧卖》 ，食得出秘制酱系麻酱底 ，烧卖洒上避风塘蒜粒，出奇地夹，钟意浓味嘅要试。🤍《泰式干蒸牛肉烧卖》既泰式即系用咗甜酸酱，而牛肉本身比鱼肉更弹牙，系另一番滋味。最后仲叫咗🤍《麻辣避风塘鱿鱼圈》 ，呢个用咗蒜、葱加上秘制辣椒粉炸成， 等候需时，但就可以食到新鲜炸起、惹味嘅鱿鱼圈。食到口渴，叫咗《有汽香水柠檬铁观音》，我超级超级钟意🤍🤍🤍，希望原箱买埋返屋企嘅程度，少甜、解渴、爽、香。