翠華餐廳 (H21商場) (已結業)

疫情+限聚令，餐饮业大受影响，连上市公司嘅翠华生意亦由盈转亏今日嚟到位于筲箕湾嘅分店食下午茶现场所见，小猫三、两只，无咗班自由行内地捧场客，静咗好多。大部分香港茶餐厅嘅食物，翠华都有供应，价钱比一般茶餐厅贵。以往下午茶餐有迷你海南鸡饭，而家无啦，又见无乜啱我食，唯有拣鱼旦河。奶油脆猪包系呢处出名，今次无叫，未知系唔系同以前咁脆？鱼旦同河粉还可以，但个汤底就，好咸，好重味精。餐饮杯热朱古力好稀，忍唔住叫侍应加番浓啲，又甜过头！虽然我祇系食咗碗鱼旦粉，但感觉好一般，价钱贵咗，但无以前嘅水准。