影片
更多
2022-09-23
98 浏览
“木船”顾名思义系木制嘅船。呢间餐厅外表就无咩特别，但系原来一入去，就好似登上木船咁，环境设计几特别，有木船造型，主打木色嘅颜色，仲有多幅挂画，吊灯，令人坐得几舒服。餐牌嘅食物选择都几多，但饮品就唔算多，冇平时泰式特饮嘅物物冰，可能系贵精不贵多啦。汁烧谷饲牛肉饭配青木瓜沙律加温泉蛋。开头以为木瓜沙律同温泉蛋系二拣一，但原来系有齐哂两样嘢。上枱时呢碗饭好似小山丘咁，好吸引，真系要相机食先。 汁烧谷饲牛肉薄切，易咬唔嚡口。烧汁几香，微甜，配合埋流心蛋汁拌饭食，一流。如果温泉蛋再大只啲，蛋汁再多啲就更好了。青木瓜丝唔酸，韧韧的，减少油腻感。跟饭嘅冬阴功汤，红红油光，以为好辣，但原来唔似饮开嘅冬阴功汤，酸酸辣辣，仲带点甜味，几得意㖞。另外叫左地道小食，街头猪柳串，好香炭烧味，个汁好惹味，猪柳锁住肉汁，一咬，肉汁同油香都冲哂出黎，好好味。炸虾饼同丝网春卷，唔会油腻腻，香脆可口。食咁多脆卜卜嘅美食，2杯特饮都唔够喉，返家要饮埋凉茶先得啦
餐牌嘅食物选择都几多，但饮品就唔算多，冇平时泰式特饮嘅物物冰，可能系贵精不贵多啦。
汁烧谷饲牛肉饭配青木瓜沙律加温泉蛋。开头以为木瓜沙律同温泉蛋系二拣一，但原来系有齐哂两样嘢。上枱时呢碗饭好似小山丘咁，好吸引，真系要相机食先。 汁烧谷饲牛肉薄切，易咬唔嚡口。烧汁几香，微甜，配合埋流心蛋汁拌饭食，一流。如果温泉蛋再大只啲，蛋汁再多啲就更好了。青木瓜丝唔酸，韧韧的，减少油腻感。跟饭嘅冬阴功汤，红红油光，以为好辣，但原来唔似饮开嘅冬阴功汤，酸酸辣辣，仲带点甜味，几得意㖞。
另外叫左地道小食，街头猪柳串，好香炭烧味，个汁好惹味，猪柳锁住肉汁，一咬，肉汁同油香都冲哂出黎，好好味。炸虾饼同丝网春卷，唔会油腻腻，香脆可口。
食咁多脆卜卜嘅美食，2杯特饮都唔够喉，返家要饮埋凉茶先得啦
张贴
