影片
更多
2023-02-15
1213 浏览
唔使$300就可以食到龙虾、肉蟹、鲍鱼、圣子、沙白蚬同埋多宝鱼！Total六种海鲜‼️每人仲可以拣四款火锅配料～我哋今次两个人去total就拣咗八款火锅配料！佢另外有一个套餐，系拣龙虾或者肉蟹二拣一，拣肉蟹配其他五款海鲜嘅话套餐价钱就系$210，龙虾配其他五款海鲜，价钱就系$230，小朋友先做选择，我就梗系两样都要龙虾加肉蟹两样都拣晒啦，龙虾肉蟹再配另外四款海鲜嘅价钱就系$260💓六款唔同嘅海鲜全部都好新鲜，🦞龙虾啖啖肉好鲜甜，鲍鱼上枱仲识郁，口感爽口弹牙！多宝鱼肉质劲滑，不过就比较多骨，但系加少少豉油落去真系好有鱼味，识得食鱼嘅朋友值得嗌🐟 沙白蚬份量好多，一样好鲜甜同埋好肥美，建议大家第一只可以唔好加调味料试一试原汁原味先，之后再加少量豉油食下一只，感受吓佢究竟有几新鲜！🦀肉蟹今次我就觉得冇乜特别，新鲜嘅，但系就唔算系特别鲜甜（曾经试过喺度食过鲜甜又多膏）🦐虽然今次冇嗌虾，但系之前有叫过，啲虾真系生猛到识得跳，要用夹特登夹住先至可以落镬架！仲有圣子，一样系新鲜鲜甜，唔会话好韧，好食！顺带一提，餐枱𠮶度有每一样海鲜需要煮几耐嘅教学同埋Timer，咁就唔怕大家Overcooked啦！食完
佢另外有一个套餐，系拣龙虾或者肉蟹二拣一，拣肉蟹配其他五款海鲜嘅话套餐价钱就系$210，龙虾配其他五款海鲜，价钱就系$230，小朋友先做选择，我就梗系两样都要龙虾加肉蟹两样都拣晒啦，龙虾肉蟹再配另外四款海鲜嘅价钱就系$260💓
六款唔同嘅海鲜全部都好新鲜，🦞龙虾啖啖肉好鲜甜，鲍鱼上枱仲识郁，口感爽口弹牙！多宝鱼肉质劲滑，不过就比较多骨，但系加少少豉油落去真系好有鱼味，识得食鱼嘅朋友值得嗌🐟 沙白蚬份量好多，一样好鲜甜同埋好肥美，建议大家第一只可以唔好加调味料试一试原汁原味先，之后再加少量豉油食下一只，感受吓佢究竟有几新鲜！🦀肉蟹今次我就觉得冇乜特别，新鲜嘅，但系就唔算系特别鲜甜（曾经试过喺度食过鲜甜又多膏）🦐虽然今次冇嗌虾，但系之前有叫过，啲虾真系生猛到识得跳，要用夹特登夹住先至可以落镬架！仲有圣子，一样系新鲜鲜甜，唔会话好韧，好食！顺带一提，餐枱𠮶度有每一样海鲜需要煮几耐嘅教学同埋Timer，咁就唔怕大家Overcooked啦！
食完海鲜之后就到火锅配料啦，一般打边炉有嘅火锅配料佢都有齐，例如系肥牛、响铃、鱼皮、手打肉丸等等一应俱全！讲起打边炉就同大家推介下冬瓜，如果大家平时打边炉钟意食萝卜嘅话，冬瓜绝对系更上一层楼，记住一开始打边炉就要落冬瓜～煮得越来越好味㗎💓💓🙈
系打边炉嘅中途，店员就会攞三种粥底配料过嚟，分别系南瓜粒、芋头粒同埋粟米，去到临尾食完火锅配料之后，店员就会过嚟帮手压碎啱啱嘅粥底配料～再搭配芫荽、猪油渣粒、大头菜粒、菜脯粒同埋冬菜煮粥！如果有边一种配料唔识或者想要多啲都可以同店员讲㗎！我自己平时就食开多芫荽同埋多猪油渣粒嘅🥰🥰其实呢个套餐真系食到超饱，每一次粥底都食唔晒🙈，我嘅做法就系会叫店员俾个外卖兜，拎返屋企听日慢慢食！
总括嚟讲，唔使$600就可以埋到单，叹足六款唔同嘅海鲜、咁多唔同嘅火锅配料、仲有吸收晒海鲜精华嘅海鲜粥！绝对系性价比极高，回头率200%💓💓💓💓👍🏻👍🏻👍🏻
龙虾
67 浏览
0 赞好
0 留言
沙白蚬
71 浏览
0 赞好
0 留言
龙虾
73 浏览
0 赞好
0 留言
50 浏览
0 赞好
0 留言
51 浏览
0 赞好
0 留言
张贴
