八喜小廚

营业中

休息中

唔系第一次帮衬之前一直都没事，下午茶炒嘢收38包热饮，因此食物质素不能要求太高。但最基本衞生都做唔到仲要串过啲咕喱佬就真系第一次见。本身间餐厅都奇怪，所有调味同筷子叉等工具都唔会放系度比你攞，要同啲食物一齐上，无所谓当你地环保。今日去食下午茶叫左个时菜排骨饭＋热柠茶。先上柠茶但无主动比糖，然后再上个饭，点知张上菜纸一半放左系啲汁里面，大佬呀张纸有红色黑色又几条友掂过点食？再者佢比埋个叉我黎食饭我都第一次见。然后同伙记讲叫佢换，一分钟后一个声称老板嘅人凶神恶杀咁过黎问有乜问题？我讲左个情况比佢听佢竟然话：「我地不嬲都系咁操作，你唔好食啰！」。几咁有型。已经投诉食环，我就睇佢操作得几耐。依挡嘢贴埋钱冇可能再帮衬。