影片
更多
2022-10-13
61 浏览
厚福街蓝马大厦真系好多好嘢食，最近开始转凉，想食热辣辣既串烧，就去咗炎鸟羽试下！一出lift就见到醒目既招牌，一定唔会揾错。餐厅都算宽敞，仲有包厢位置，私隐度不错，今日六点半嚟到，七点钟就爆场，大家都要预返时间喇！一坐低就上咗餐前前菜，有三款小食，各有特色，特别钟意佢碟菜系用自家制胡麻汁调味，芝麻味香，认真开胃。一开始我地就试咗「油甘鱼腩刺身」（$98），刺身有四块，厚切平均，新鲜不在话下，油脂味都十分香！任何酱汁都唔洗加已经够晒鲜甜。之后食咗一客「吞拿鱼他他配牛油果」（$78），份量比想象中多，共有六块，吞拿鱼牛油果配上脆饼同紫菜，包住嚟食，有松脆，有软糯，口感十分丰富，系我好推介既菜色！下一客系「生蚝」四只（$58一只），餐厅做紧买三送一优惠，我地就叫咗两生两熟。我自己会钟意生既多啲，生蚝大大只，鲜甜到不得了，好似去咗日本食蚝咁既感觉！当然熟蚝就系另一番风味，多啲食佢既炸蒜同配料，同样咁惹味。跟住系「烧明太子」（$88），明太子系福冈产，新鲜就紧架喇，烧完鱼香更加出，调味啱啱好，配埋青瓜萝白茸就唔会太腻！跟住就系最期待既炸物！先有「鸡肉棒」（$48），鸡肉棒内含软骨，食落既松软亦有
最近开始转凉，想食热辣辣既串烧，就去咗炎鸟羽试下！
一出lift就见到醒目既招牌，一定唔会揾错。
餐厅都算宽敞，仲有包厢位置，私隐度不错，
今日六点半嚟到，七点钟就爆场，大家都要预返时间喇！
一坐低就上咗餐前前菜，有三款小食，各有特色，
特别钟意佢碟菜系用自家制胡麻汁调味，芝麻味香，认真开胃。
一开始我地就试咗「油甘鱼腩刺身」（$98），
刺身有四块，厚切平均，新鲜不在话下，油脂味都十分香！
任何酱汁都唔洗加已经够晒鲜甜。
之后食咗一客「吞拿鱼他他配牛油果」（$78），
份量比想象中多，共有六块，
吞拿鱼牛油果配上脆饼同紫菜，包住嚟食，
有松脆，有软糯，口感十分丰富，系我好推介既菜色！
下一客系「生蚝」四只（$58一只），
餐厅做紧买三送一优惠，我地就叫咗两生两熟。
我自己会钟意生既多啲，生蚝大大只，鲜甜到不得了，
好似去咗日本食蚝咁既感觉！
当然熟蚝就系另一番风味，多啲食佢既炸蒜同配料，同样咁惹味。
跟住系「烧明太子」（$88），
明太子系福冈产，新鲜就紧架喇，
烧完鱼香更加出，调味啱啱好，配埋青瓜萝白茸就唔会太腻！
跟住就系最期待既炸物！
先有「鸡肉棒」（$48），
鸡肉棒内含软骨，食落既松软亦有咬口，
配埋月见酱汁，味道更有层次！
另一客系「荔枝豚肉卷」（$32），
无谂过串烧可以咁fresh！薄薄既猪肉包住juicy既荔枝肉，
两种截然不同既口感系口腔爆发，系令人难忘既！
跟住就试咗「海胆天妇罗」（$108），
蔬果类天妇罗就食得多，海胆真系第一次试！
炸皮十分薄脆，入面有块紫苏叶包住海胆，
可以令海胆味道更加突出！
最后叫咗一餐「日本芝士年糕」（$28），
无谂过炸物小食既芝士可以咁香浓，
一咬入去热辣辣既芝士酱流入口腔，
果种滋味系超市果啲芝士年糕完全无得比！
嘢饮方面，我地叫咗一杯「乌龙茶烧酎」（$58）、一杯「巨峰烧酎」（$58），
我地平时都少饮酒，但呢两款真系劲易入口！
乌龙茶更可以消滞，食多多嘢都唔怕！
巨峰甜度唔错，食每款食物之间，可以清清口腔既余味。
整体嚟讲，呢个价位食到咁既级数，真系无得弹！
张贴
