SABROSA

营业中

休息中

我哋2个人系万圣节前夕book左呢间上楼嘅西班牙餐厅，竟然系爆场。佢啲枱排得比较密，系会听到隔离枱讲紧啲咩，对我嚟讲有少少嘈。我哋6点9到仲赶得切叫到两杯happy hour drink。我哋叫咗两个tapas - 蕃茄酱自家制肉丸同埋西班牙脆包配乌鱼子。前者上枱嘅时候好似摊冻咗咁唔够热; 后者就有少少普通，个包口感有啲奇怪。之后挣扎咗好耐，到底个main要西班牙乳猪定黄油春鸡好，最后拣咗乳猪。佢个皮好脆又唔会好干身，啲肉唔会太肥，个苹果酱配落去啱啱好，成件事唔会好油腻。不过见到隔篱枱个黄油鸡望落去都好吸引。另外再叫咗个薯条送酒过下口瘾。最后叫左burnt basque cheesecake，佢个口感食落去似疏乎厘多过似平日出边食到嘅巴斯克芝士蛋糕。可能因为𠮶日好多客好忙，啲味道系有少少失望，overall黎讲正正常常啦。