孖寶 (已結業)

上水啲物价越嚟越贵越,但餐厅食物质素反而每况愈下，要揾一间有食物质素, 而价钱又合理嘅餐厅越嚟越难。 呢间cafe嘅价钱话唔算好平，但系胜在食物质素唔错，再包埋杯意式即磨咖啡或花茶，抵返晒。 套餐包埋餐汤，蘑菇汤饮落味道唔错，蘑菇切得好碎， 饮落充满蘑菇嘅味道。 两杯意式即磨咖啡都冲得唔错，有浓香嘅咖啡味。上边嘅系玫瑰拿铁，饮喝淡淡玫瑰香，芬香扑鼻。 下面系榛子咖啡，榛子味道好出。 纽西兰肉眼扒配黑椒汁，叫咗五成熟，肉质几淋几嫩， 食落唔觉韧，有成七安士，大大块够晒饱。 意粉唔系平价嘅意粉，幼身得黎质感偏硬，意粉充满香草味。美中不足系黑椒汁，唔够黑椒味，如果在重未啲就更好。 香草烧春鸡配烧汁，烧春鸡肉质鲜嫩，尤其系个鸡髀位 更加嫩口又有肉汁。鸡皮烧得好香，好惹味。烧汁做得比黑椒汁更出色，更有味道。