鋿晶館 (上水匯) (裝修中)

岩岩过去既重阳假期完结，等过关等到黄昏变夜晚，所以反正要喺上水转车就同朋友觅食上水，上水每个商场都天桥接天桥就去到，每个商场都有各色各样既食肆。呢间餐厅喺正上水汇连接天桥果层，一眼就望到。香芒大虾球(2件）$48同行有小朋友，所以叫左d小食比小朋友捞饭食，虾球薄薄咁炸过，虾仁大只又爽口，入口有阵芒果味，啖啖肉，小朋友至爱。脆炸鱼柳菠萝包 $48除咗鱼柳另外可以拣猪扒/鸡扒架，不过方便小朋友咬就拣左鱼柳，偷食左一啖，鱼柳系餐厅自行加工，因为比起出面食到既鱼柳厚身同滑溜，菠萝包烤返脆卜卜，热辣辣。蒜香斑头腩蒸饭 $88有啲似荷叶包饭，饭底金黄色，似系蛋炒饭底，班腩肉质弹牙滑溜，饭既份量颇大份，足够2个人share。麻辣猪软骨淮山面 $78份量同样颇大，配料有冬菇，有木耳，有几件猪软骨，面比较特别，用上淮山面，有别于坊间用米线米粉之类，猪软骨都煮得够入味同软淋，钟意辣野既可以一试。