鋿晶館

营业中

休息中

今日陪老公系上水教波，教完波之后就喺附近觅食，老公系中餐爱好人士，但系又唔想去酒楼食饭，于是决定再战「鋿晶馆」，去食自家制品牌嘅中餐！今次我哋叫咗苦瓜炆䲝鱼，苦瓜炆得好腍，唔会系死苦嘅味道，䲝鱼煎完先再加芡汁去炆，所以入味得黎又唔会烂晒，甚至仲食到烟烟韧韧嘅鱼边边位置！跟住叫左咕噜烩虾球，啲虾球真系用一只只虾去炸，无雪藏嘅味道！加上酸酸甜甜嘅酱汁，无得顶。配菜有青椒、菠萝等等，中和一下成碟𩠌嘅油腻感。再叫咗个炸鱼柳菠萝包，鱼柳炸得好香脆，加上生菜、蕃茄、青瓜，唔错。特别在于个菠萝包，令到成个鱼柳包生色不少。侍应介绍我地食佢地好受欢迎嘅日式鳗鱼饭，啲饭煮得粒粒分明，鳗鱼汁好惹味，上面𠮶只蛋又煎得啱啱好，半熟流心咁，热辣辣好好味，完全明白点解佢咁受欢迎！！最后叫咗两杯嘢饮，冻冰冰，正！！不得不再提一下！！！大厨曾经系日本东京富丽华做左好多年，系煮野食比高管达人同明星食架，返左黎香港之都系好多间米芝莲酒店同大型连锁酒楼集团做过主管，经验丰富，所以无论煮西餐中餐日式都好好食架！