四方果甜品屋

营业中

休息中

光顾多年老糖水店，由本区夫妇二人打理，多年来始于如一，回归基本步，简单以凉粉、西米露、大菜糕、黑珍珠等，配搭其他鲜果，连同一些传统中式糖水，就喺上水区屹立咁多年。虽然转过铺位重开过，但个味道、份量都无变过，纵然加价，亦系合理范围。糖水唔花巧，但基本嘢都好满足到味蕾，小食亦一样，只得烧卖肠粉鱼蛋，但过吓口瘾已经够哂。由以前中学食到而家毕业，系有种情怀不变，亦好似系同老同学嘅落脚点，就算热死辣辣夜晚行张枱仔街边一人一碗倾计，都好满足写意。