牡丹金閣 (海禧華庭購物商場)

营业中

休息中

工作去到上水，同事咁啱一齐放饭，于是决定一齐去饮茶，去咗新城路海禧华庭一楼的牡丹金阁食午饭，午餐好似有好多选择，优惠就不及早市，不过都正常，我地叫咗一窝雪菜肉丝汤米同几个点心。雪菜肉丝汤米好大窝，以酒楼嘅碗计十碗都有，汤底有咪，雪菜肉丝够咸香，份量都足，米粉系东莞米粉爽爽地。虾饺皮够烟韧，包住入面几只虾，虾好新鲜唔会腥，食落够爽脆。咖哩鱿鱼用咖哩粉开，味道一般，水鱿鱼系爽嘅。烧卖咬开里面白雪雪，唔知系肥猪肉多定系腌肉过头，但食落又合格。整体不过不失，合格以上。