梳乎厘 (已結業)

老友生日，一于食餐劲嘅！一行七人，当中有人已试过这店子，热烈推介，果然没有令我们失望，食物美味之余，店员的态度也很亲切。我地食左好多野，本人最喜欢是龙虾沙律及海南鸡，龙虾沙律单是卖相已经好得，好colourful ，一拿出来就好开心好哄动，龙虾好有鲜味，肉质甜美，配埋牛油果就真系一绝。海南鸡就大大只去埋⻣，好淋好滑，一啲都唔靭，好有新加坡的海南风味。海南鸡仲配埋个汤，好清甜，好似食紧冬瓜盅咁。我地仲叫左生蚝，可惜本人刚巧生病唔食得，所以未知味道如何，只见朋友们都大口大口的食完一只又一只，仲猛话好正好正咁去引我，激死人呀！下次一定要试下补番数！仲有个和牛及意粉，我们点了神户和牛，五成熟，外香内嫩肉汁浓；意粉就配有日本煎带子同法国蓝虾，我第一次食法国蓝虾，呢个配搭都唔错。有咁嘅质素，如在尖沙咀区人流一定好旺，唔知点解老板会拣在上水开店。