王家沙 (已結業)

去新世纪，原本想饮茶，但间间都劲多人，劲等位，价钱又唔平，终于行左好耐见到2楼既王家沙唔多人，其实之前食过，唔会伏，一于行入去，唔驶再等位。素菜包，$30，好松软，菜同冬菇粒都软绵绵。 葱油饼，估唔到有2块，都算多，呢个系惊喜地松脆，有葱油香，赞萝卜丝酥饼，好食松化，个底有炸芝麻，更香脆感。红油抄手，多蒜蓉，唔太多辣油，味道ok唔太辣。牛担担面，$58，呢度既担担面，花生酱比例唔重，反而多左麻辣味。葱爆羊肉，炒得好香，夹落薄饼食，有种juicy感，羊肉膻味虽然突出，但朋友不喜爱羊膻味，但都接受到，话似牛味。配薄饼4块唔系好够喉，可惜没有加单薄饼可叫。家乡炒年糕，好香，味浓但唔咸。整体都好食，又坐得舒服，唔驶等位。价钱同平时上海菜差唔多。不过有$5茶钱，同花生$10。