上海姥姥

营业中

休息中

平日夜晚去左铜锣湾睇戏，睇戏前去左食上海姥姥。上海姥姥就系戏院隔离，超方便，好岩睇戏前后去食。我地两个人食，叫左四样野食，分别系干煸四季豆，糟溜鱼片，凉拌海蜇，同埋嫩鸡煨面。落完单无耐，个海蜇好快就到左(仲快过埋单)，由于我地拣左轻盈份量，个海蜇真系好轻盈(睇图就会知)，海蜇味道比较淡D，但都OK既。食完海蜇，四季豆就到左，干煸四季豆就不过不失。至于糟溜鱼片，主角鱼片整得超滑，但d云耳好似烚完放入去咁，完全冇味，不过因为鱼片够滑所以整体都可以既。而嫩鸡煨面我个人觉得系几好食，d汤好浓滑，面既软硬度岩岩好，食落口感唔错，可惜d鸡就鞋左少少，唔够嫩口。整体黎讲，上海姥姥既出品可以话系有保证既，几正宗得黎价钱又唔贵。不过清洁方便就要做好少少，因为我地张枱有个位有少少痴笠。