正宗上海生煎皇 (已結業)

早前同朋友行開銅鑼灣，因為我放工放得比較遲，又未食lunch。四圍逛嘅時候，突然間覺得好肚餓。就同朋友入咗上海生煎王食少少嘢。既然叫上海生煎皇，咁就梗係要試吓佢既上海生煎包。佢張枱上面寫咗「生煎四步曲」。佢既生煎包究竟係咪真係有咁特別到可以欣賞？😅佢嘅上海生煎包外表看起來其實都幾普通，不過原來反轉之後，後面又煎得幾脆。生煎包咬開之後，的確有好多汁。味道都唔錯嘅。另外佢嘅小籠包，就普通啲，冇生煎包咁出色。不過佢既皮都唔會太厚。裏面餡料都一樣有肉味同肉汁，雖然普通，但係都OK！