蒲東小館 (彌敦道) (已結業)

食上海菜一定要叫小笼包啦，而呢道菜都可以知道间餐厅掂唔掂。蒲东小馆既小笼包皮簿馅靓，超多汤汁，合格！牛肉生煎包都一样好多汤汁，咬开时仲弹到去对面位添，最正系佢超热，如果上枱时即刻食会辣亲架。小食仲有五小碟，非常欣赏呢个做法，可以自己拼够五样小食为一道菜，满足晒贪心既我地，而钟意食素鹅既我地仲叫咗两份，香脆好食，鸡丝粉皮又系必叫既，淆肉就正常水平啦。河虾三鲜炒年糕既虾够新鲜，年糕够烟靭。韭黄鳝糊炒得好香，鳝香脆爽口。酸辣汤好大锅饮极都饮唔晒。但令我失望既系担担面，上枱时完全无卖相，好似一碗比人食过既面咁。食落更差，汤好似沟水咁浠，面好淋。甜品我地都叫咗三样，高力豆沙好香蛋味好松软，豆沙锅饼红豆好香。而我最钟意系心太软，红枣好香，配埋麻薯 烟烟靭靭好好食，加上桂花糖香香甜甜，真系好好食！份量仲几多，可以系咁食大满足！